தீபாவளி ஸ்பெஷல்: ஒரு வாரத்துக்கு தமிழக திரையரங்குகளில் தினசரி 5 காட்சி

சென்னை: தீபாவளிப் பண்டிகையையொட்டி ஒரு வார காலத்துக்கு தமிழகம் முழுவதும் உள்ள திரையரங்குகளில் தினசரி 5 காட்சிகள் நடத்த தமிழக அரசு அனுமதியளித்துள்ளது.

இதுகுறித்து தமிழ்நாடு திரையரங்கு உரிமையாளர் சம்மேளன தலைவர் அபிராமி ராமநாதன் வெளியிட்டுள்ள அறிக்கை:

தீபாவளி பண்டிகை முதல் 26.10.11-ல் இருந்து 1.11.2001 வரை 7 நாட்களுக்கு தியேட்டர்களில் காலை காட்சி நடத்த அரசு அனுமதி வழங்கியுள்ளது. இதற்காக முதல்வர் ஜெயலலிதாவுக்கு திரையரங்கு உரிமையாளர்கள் சார்பிலும் தமிழக மக்கள் சார்பிலும் நன்றி தெரிவித்து கொள்கிறேன்.

தமிழக மக்கள் தொன்றுதொட்டு கொண்டாடி வரும் பண்டிகைகளில் ஒன்று தீபாவளி. அந்த பண்டிகை நாளில் சினிமா பார்த்து மகிழ வேண்டும் என்பது அவர்கள் விருப்பமாக உள்ளது. அவர்கள் எளிதாக படம் பார்க்க வசதியாக கூடுதல் சிறப்பு காட்சிக்கு அனுமதி வழங்க வேண்டும் என்று அரசுக்கு கோரிக்கை விடுக்கப்படடு இருந்தது.

அதை ஏற்று முதல்வர் அனுமதி வழங்கியமைக்கு நன்றி.

இவ்வாறு அறிக்கையில் குறிப்பிடப்பட்டு உள்ளது.

ஏற்கனவே தியேட்டர்களில் 4 காட்சிகள் திரையிடப்பட்டு வருகின்றன. தீபாவளியையொட்டி 5 காட்சிகள் திரையிடப்பட உள்ளது.