Tom Holland - Zendaya Marriage: ரகசிய திருமணம் செய்துக்கொண்ட ஸ்பைடர்மேன் ஹீரோ.. கொண்டாட்டத்தில் ரசிகர்கள்!

லாஸ் ஏஞ்சல்ஸ்: ஸ்பைடர்மேனாக சமீப காலங்களில் மிரட்டி வரும் டாம் ஹாலண்ட் (Tom Holland) அவருடன் ஜோடி போட்டு நடித்த ஜெண்டாயாவை (Zendaya) திருமணம் செய்துக் கொண்டதாக ஹாலிவுட்டில் பரபரப்பு பற்றிக் கொண்டுள்ளது. அதற்கு காரணம் இருவரும் ஏற்கனவே ரகசியமாக திருமணம் செய்துக் கொண்டனர் என ஜெண்டாயாவின் ஸ்டைலிஸ் வெளியிட்ட தகவல் தான்.

ஜெண்டாயாவின் விரலில் அணிந்திருந்த தங்க மோதிரம் திருமண வதந்திகளைத் தூண்டிய நிலையில், அவரது நீண்டகால ஸ்டைலிஸ்ட் லா ரோச், ஜெண்டாயா மற்றும் டாம் ஹாலந்து இருவரும் ஏற்கனவே திருமணம் செய்துகொண்டதாக உறுதிப்படுத்தியுள்ளார்.

கடந்த ஞாயிற்றுக்கிழமை லாஸ் ஏஞ்சல்ஸில் நடந்த 2026 நடிகர் விருதுகள் விழாவில் லா ரோச் இந்தத் தகவலை வெளியிட்டார். ரெட் கார்பெட் நேர்காணலின்போது, ஜெண்டாயாவின் ஸ்டைலிஸ்ட், "திருமணம் ஏற்கனவே நடந்துவிட்டது. அதை நீங்கள் தவறவிட்டீர்கள்," என்றார்.

"அது உண்மையா?" என்று கேட்கப்பட்டபோது, லா ரோச் சிரித்தபடி, "அது மிகவும் உண்மை" என உறுதிப்படுத்திவிட்டுச் சென்றார். இந்தச் சம்பவத்தின் காணொளி சமூக வலைத்தளங்களில் வேகமாகப் பரவி, பெரும் கவனத்தைப் பெற்றது.

இந்தச் செய்தியைக் கேட்டு ரசிகர்கள் மகிழ்ச்சியடைந்தனர். ஒரு நெட்டிசன், "ஜெண்டாயா மற்றும் டாம் மீது நான் மிகவும் மகிழ்ச்சியடைகிறேன்!!!! தனித்தனியாகவும் ஒரு ஜோடியாகவும் அவர்களை நேசிக்கிறேன்!!! காதலிப்பதற்கு முன்பும் வதந்திகள் பரவுவதற்கு முன்பும் நான் எப்போதும் அவர்களுக்காக நின்றுள்ளேன். அவர்கள் ஒன்றாக திருமணம் செய்துக்கொண்டதில் மிகவும் மகிழ்ச்சி!" எனப் பதிவிட்டார்.

இந்த திருமணச் செய்திக்கு ஒரு வருடம் முன்னதாக, 2025 கோல்டன் குளோப்ஸ் விருது விழாவில் ஜெண்டாயா 5 கேரட் வைர மோதிரத்தை அணிந்து வந்து டாம்முடனான நிச்சயதார்த்தத்தை உறுதிப்படுத்தினார். தொடர்ந்து, 29 வயதான டாம் தனது "ஸ்பைடர் மேன்" இணை நடிகையைத் திருமணம் செய்யக் கேட்டது உறுதியானது என Page Six செய்தி நிறுவனம் உறுதிப்படுத்தியது.

2024 கிறிஸ்துமஸ் மற்றும் புத்தாண்டு ஈவ் இடையே, இருவரும் ஒரே மாதிரியான பச்சைக் குத்திக்கொண்ட பிறகு, டாம் காதலை முன்வைத்தார். ஜெண்டாயாவின் பெற்றோர் கசெம்பே அஜாமு கோல்மன் மற்றும் கிளாரி ஸ்டோர்மர் இருவரிடமும் டாம் அனுமதி பெற்றதாகக் கூறப்பட்டது.

ஜனவரி 2025-இல், டாமின் தந்தை டொமினிக் தனது Patreon வலைப்பதிவில் நிச்சயதார்த்தம் குறித்த விவரங்களைப் பகிர்ந்தார். அவர், "டாம், உங்களுக்குத் தெரிந்தபடி, மிகவும் சிறப்பாகத் தயாராக இருந்தார். அவர் ஒரு மோதிரம் வாங்கியிருந்தார். மேலும், ஜெண்டாயாவின் தந்தையுடன் பேசி, மகள் முன்மொழிவை ஏற்க அனுமதி பெற்றார்," என்று எழுதினார்.

டாம் ஹாலந்து மற்றும் செண்டாயாவின் காதல் கதை, ஸ்பைடர் மேன் திரைப்படத் தொடரில் பீட்டர் பார்க்கர் மற்றும் எம்.ஜே. கதாப்பாத்திரங்களில் நடித்தபோது தொடங்கியது. அவர்கள் Spider-Man: Homecoming (2017), Spider-Man: Far From Home (2019) மற்றும் Spider-Man: No Way Home (2021) ஆகிய மூன்று படங்களில் இணைந்து நடித்துள்ளனர்.

இந்த ஆண்டின் பிற்பகுதியில் வெளியாகும் Spider-Man: Brand New Day மற்றும் கிறிஸ்டோபர் நோலனின் The Odyssey படங்களிலும் இருவரும் நடிக்கின்றனர். 2016-இல் "Spider-Man: Homecoming" படத்திற்காக அவர்கள் ஒன்றாகத் தேர்வு செய்யப்பட்டபோது டேட்டிங் வதந்திகள் எழுந்தன. தாங்கள் நெருங்கிய நண்பர்கள் என்று பகிரங்கமாக இருவரும் தெரிவித்த போதிலும், ஊகங்கள் தீவிரமடைந்தன.

ஸ்டைலிஷ்ட் பூனைக்குட்டியை வெளியே விட்ட நிலையில், டாம் மற்றும் ஜெண்டாயா அதிகாரப்பூர்வமாக தங்கள் திருமணம் பற்றி அறிவிப்பார்களா? என்கிற கேள்வி எழுந்துள்ளது.