Don't Miss!
- News பெங்களூர் ராமேஸ்வரம் கஃபே குண்டுவெடிப்பில் முதல் அரெஸ்ட்.. முஸம்மில் ஷரீப் என்பவரை கைது செய்த என்ஏஐ
- Sports RR vs DC : 36-3.. திடீரென உள்ளே புகுந்த அஸ்வின்.. அடுத்தடுத்து பறந்த சிக்சர்கள்.. தப்பிய ராஜஸ்தான்!
- Automobiles உலகமே எதிர்பார்த்த சியோமி மின்சார கார் விற்பனைக்கு வந்தாச்சு! அதோட செல்போன்களை போலவே இதோட விலையும் ரொம்ப கம்மி
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
கிழிந்து தொங்கிய கட்சிக் கொடி.. சர்ச்சையை கிளப்பிய தலைவா போஸ்டர்.. உடனடியாக நீக்கம்!
சென்னை: தளபதி விஜய்யின் தலைவா படம் வெளியாகி 7 வருடங்களை கடந்துள்ள கொண்டாட்டத்தை விஜய் ரசிகர்கள் கொண்டாடி வருகின்றனர்.
தலைவா படத்தின் இயக்குநர் ஏ.எல். விஜய் அதிகாரப்பூர்வமாக வெளியிட்டுள்ள அந்த படத்தின் போஸ்டரில் கட்சிக் கொடி ஒன்று கிழிந்து தொங்குவது போல வடிவமைக்கப்பட்டிருந்தது, பின்னர் உடனடியாக தற்போது அது நீக்கப்பட்டுள்ளது.
"நான் வந்துட்டேன்னு சொல்லு".. ஒரு வருஷத்துக்கு பிறகு மீண்டும் சமூக வலைதளம் வந்த நடிகை ரம்யா!
தலைவா
இயக்குநர் ஏ.எல். விஜய் இயக்கத்தில், தளபதி விஜய், அமலா பால், சத்யராஜ் நடிப்பில் கடந்த 2013ம் ஆண்டு ஆகஸ்ட் 9ம் தேதி வெளியான படம் தலைவா. ஏகப்பட்ட அரசியல் வசனங்களுடன் வெளியான அந்த படத்தின் ரிலீஸ் பல்வேறு அரசியல் காரணங்களுக்காக தள்ளிப் போனது. ஆனால், நடிகர் விஜய்யின் முயற்சியால் அந்த படம் ரிலீசானது.
7 ஆண்டுகள்
தலைவா படம் எதிர்பார்த்த அளவுக்கு ஓடவில்லை என்றாலும், தளபதி ரசிகர்களுக்கு என்றுமே அந்த படம் ஃபேவரைட்டான படம் தான். அந்த படம் வெளியாகி 7 ஆண்டுகள் ஆனதை முன்னிட்டு, அதனை கொண்டாடும் விதமாக சிறப்பு போஸ்டர் ஒன்றை இயக்குநர் ஏ.எல். விஜய் தற்போது வெளியிட்டுள்ளார்.
அதிமுக vs விஜய்
2013ம் ஆண்டு தலைவா படத்தின் டைட்டில் பிரச்சனை காரணமாக அந்த படத்தை ரிலீஸ் செய்ய விடாமல் அதிமுக அரசு செயல்பட்டதாக, விஜய் ரசிகர்கள் தரப்பு குற்றம்சாட்டி வருகிறது. மறைந்த முதல்வர் ஜெயலலிதா தலைவா படத்தை வெளியிட விடாமல் தடுத்ததாகவும், சர்ச்சைகள் கிளம்பின. இசை வெளியீட்டு விழாவிலும் இது குறித்து விஜய் பேசியுள்ளார்.
கிழிந்து தொங்கும் கொடி
இந்நிலையில், தற்போது வெளியாகி டிரெண்டாகி வரும் அந்த போஸ்டரில், ஒரு ஓரத்தில் இருக்கும் மாடியில் ஒரு கட்சியின் கொடி கிழிந்து தொங்குவதை போல வடிவமைத்துள்ளனர். அது அதிமுகவின் கொடி என்றும், மறக்கவும் மாட்டோம்.. மன்னிக்கவும் மாட்டோம் என தளபதி ரசிகர்கள் சமூக வலைதளங்களில் புதிய சர்ச்சையை கிளப்பி வருகின்றனர்.
ரசிகர்கள் கோபம்
தளபதி விஜய்யின் தலைவா படம் உரிய நேரத்தில் ரிலீஸ் ஆகி இருந்தால், தேவையில்லாமல், ரசிகர் ஒருவர் தீக்குளித்து உயிரிழந்திருக்க மாட்டார் என்றும், அதிமுகவின் ஆட்சிக்கு எதிரான ட்வீட்களையும், மீம்களையும் போட்டு தங்களின் கோபத்தை விஜய் ரசிகர்கள் வெளிப்படுத்தி வருகின்றனர். இந்த சர்ச்சையை கிளப்பும் போஸ்டரை அதிகளவில் ஷேர் செய்து வருகின்றனர்.
கட்சிக்கொடி நீக்கம்
அதிமுக கட்சிக் கொடி கிழிந்து தொங்கும் போஸ்டர் வெளியாகி சர்ச்சையை கிளப்பிய நிலையில், உடனடியாக அந்த கொடியை தலைவா போஸ்டரில் இருந்து நீக்கியுள்ளனர். இதுகுறித்து அஜித் ரசிகர்களுக்கும் விஜய் ரசிகர்களுக்கும் ட்விட்டரில் கடும் வாக்குவாதம் எழுந்து வருகிறது. அதிமுகவினரும் இந்த போஸ்டருக்கு கண்டனம் தெரிவித்து வருகின்றனர்.