Click it and Unblock the Notifications
Tovino Thomas: டோவினோ தாமஸின் ARM படத்தின் டிரைலரை பார்த்து பாராட்டிய KGF இயக்குநர் பிரசாந்த் நீல்!
பெங்களூரூ: மலையாளத்தில் வெளியான மின்னல் முரளி படத்தின் மூலம் கேரளா மட்டும் இல்லாமல் தமிழ்நாடு, கர்நாடகா ரசிகர்களின் மனதில் இடம்பிடித்த டோவினோ தாமஸ், தற்போது 'ARM’ படத்தில் மணியன், குஞ்சிக்கெழு, அஜயன் என மூன்று வேடங்களில் நடித்துள்ளார். இந்த மூன்று கதாபாத்திரங்களின் பெயர்தான் படத்தின் பெயராக சூட்டப்பட்டுள்ளது. பான்-இந்தியா ஃபேன்டஸி படமாக உருவாகி உள்ள ARM படத்தை மேஜிக் பிரேம்ஸ் மற்றும் யுஜிஎம் மோஷன் பிக்சர்ஸ் பேனர் கீழ் அறிமுக இயக்குனர் ஜிதின் லால் இயக்கிய உள்ளார். "ARM" முழுக்க முழுக்க 3டியில் தயாரிக்கப்பட்டு மலையாள வரலாற்றில் அதிக பட்ஜெட்டில் எடுக்கப்பட்ட படங்களில் ஒன்றாக உள்ளது.
ARM படம் வரும் செப்டம்பர் 12ஆம் தேதி திரையரங்குகளில் வெளியாக உள்ளது. படத்தின் வெளியீட்டை முன்னிட்டு தயாரிப்பாளர்கள் ப்ரோமோஷன் வேலைகளில் மும்முரமாக ஈடுபட்டுள்ளனர். ஆகஸ்ட் 25 அன்று வெளியிடப்பட்ட "ARM" இன் ட்ரெய்லர் சமூக ஊடகங்களில் ரசிகர்கள் மத்தியில் நல்ல வரவேற்பைப் பெற்றது. இந்த ட்ரைலர் ஒவ்வொரு மொழியிலும் மில்லியன் கணக்கான பார்வைகளைப் பெற்றது.
சுவாரஸ்யமாக உருவாக்கப்பட்டுள்ள இந்த டிரெய்லர் படத்தின் மீதான எதிர்பார்ப்பை அதிகரித்துள்ளது. பிளாக்பஸ்டர் படமான KGF படத்தை இயக்கிய இயக்குநர் பிரசாந்த் நீலை ARM பட குழு சந்தித்தது. அப்போது டிரெய்லரைப் பார்த்து ஒட்டுமொத்த குழுவையும் பாராட்டினார் பிரசாந்த் நீல். பிரமிக்க வைக்கும் காட்சிகள், டொவினோ தாமஸின் மூன்று தனித்துவமான தோற்றங்கள் மற்றும் படத்தின் மூலம் இயக்குநர் சொல்ல வரும் விஷயம் ஆகியவை குறித்து பேசினார். பிரசாந்த் நீல் படக்குழுவினரைப் பாராட்டியது ARM படக்குழுவினருக்கு மகிழ்ச்சியை ஏற்படுத்தியுள்ளது.
இசை: "கான்" மற்றும் "சித்தா" போன்ற படங்களுக்கு பெரும் வரவேற்பை பெற்ற பிறகு, இசை அமைப்பாளர் திபு நினன் தாமஸ் "ARM" படத்திற்கு இசையமைத்துள்ளார். இப்படத்தில் தமிழ், தெலுங்கு, மலையாளம் என பல மொழி படங்கள் மூலம் கவனம் பெற்ற கிருத்தி ஷெட்டி, ஐஸ்வர்யா ராஜேஷ், சுரபி லட்சுமி என மூன்று பேர் கதாநாயகிகளாக நடிக்கின்றனர்.
படக்குழு: பாசில் ஜோசப், ஜெகதீஷ், ஹரிஷ் உத்தமன், ஹரிஷ் பெராடி, கபீர் சிங், பிரமோத் ஷெட்டி மற்றும் ரோகினி ஆகியோரும் குறிப்பிடத்தக்க வேடங்களில் நடித்துள்ளனர். படத்தின் திரைக்கதையை சுஜித் நம்பியார் எழுதியுள்ளார். மலையாள திரையுலகில் தொடங்கி தற்போது பாலிவுட்டிற்கு வந்துள்ள ஜோமோன் டி.ஜான் "ARM" படத்திற்கு ஒளிப்பதிவு செய்துள்ளார். ஷமீர் முகமது படத்திற்கு எடிட்டராக பணியாற்றியுள்ளார்.
ஸ்டண்ட்: படத்தின் அறிவிப்பு வெளியானதிலிருந்து, படத்தின் மீது குறிப்பிடத்தக்க எதிர்பார்ப்பை உருவானது. மேலும் ஒவ்வொரு போஸ்டர் மற்றும் பாடல்கள் படத்தின் எதிர்பார்ப்பை அதிகப்படுத்தியுள்ளது. படத்தின் சண்டைக்காட்சிகளை "காந்தாரா" புகழ் விக்ரம் மூர் மற்றும் பீனிக்ஸ் பிரபு ஒருங்கிணைத்துள்ளனர். கன்னட வெளியீட்டை ஹோம்பலே ஃபிலிம்ஸ்ஜே, தெலுங்கிற்கு மைத்ரி மூவி விநியோகஸ்தர்கள் மற்றும் இந்தியில் அனில் ததானி, செப்டம்பர் 12 ஆம் தேதி பல மொழிகளில் பிரமாண்டமாக வெளியிடுவதை உறுதி செய்வதன் மூலம் இந்தத் திரைப்படம் பெரிய எதிர்பார்ப்பை ஏற்படுத்தி உள்ளது.
Continue with Google