மீரா மிதுனோட சாயம் வெளுத்துப் போச்சு பாஸ்.. இப்போ அவர் இடத்துல யாரு இருக்காங்க தெரியுமா?

மீராவின் அதிரடி

திடீரென தமிழகம் வந்து தான் அரசியலில் இறங்கி நாட்டை சுத்தம் செய்யப் போவதாக அறிவித்தார். அதற்கு முதல் படியாக, மத்திய அரசின் ஊழல் தடுப்பு ஆணையத்தின் தமிழ்நாடு மாநில இயக்குனராகத் தான் நியமிக்கப்பட்டிருப்பதாகக் கூறி அனைவரையும் அதிர வைத்தார். அதற்கு சான்றாக அந்த ஆணையம் தனக்கு வழங்கிய அடையாள அட்டையையும் காட்டினார்.

மீரா நீக்கம்

ஆனால், சில மாதங்களிலேயே அந்தப் பதவியில் இருந்து மீராவை அதிரடியாக நீக்கியது ஊழல் தடுப்பு ஆணையம். மீராவுக்கு குற்றப் பின்னணி இருப்பதே அதற்கு காரணம் என கூறப்பட்டது. பல மோசடி வழக்குகளில் மீரா மீது எப்.ஐ.ஆர் போடப்பட்டுள்ளது. அதற்கான காவல்துறை விடுவிப்பு சான்றிதழை மீரா சமர்ப்பிக்கவில்லை என்பதாலேயே இந்த நடவடிக்கை.

மீரா மறுப்பு

ஆனால் ஊழல் தடுப்பு ஆணையம் தனது பதவியை பறிக்கவில்லை என்றும், அதுதொடர்பாக தனக்கு எந்த கடிதமும் வரவில்லை என்றும் மீரா மறுப்பு கூறியிருந்தார். மேலும், யாரோ சிலர் திட்டமிட்டு தனக்கு எதிராக வதந்தி பரப்புவதாக அவர் குற்றஞ்சாட்டியிருந்தார்.

திருச்சி டாக்டர்

இந்நிலையில் மீரா மிதுனுக்கு பதிலாக திருச்சியைச் சேர்ந்த பிரபல டாக்டர் ஏ.முகமது ஹக்கீம் என்பவர் தற்போது அந்தப் பொறுப்பில் நியமிக்கப்பட்டுள்ளார். இதற்கான அதிகாரப்பூர்வ கடிதத்தை ஊழல் தடுப்பு ஆணையம் அவருக்கு அனுப்பியுள்ளது. ஆனால் அந்த பதவிக்கு எந்த அதிகாரமும் இல்லை என்பது குறிப்பிடத்தக்கது.