Don't Miss!
- News சனாதன ஒழிப்பு, மத வெறுப்பு, கோயில்கள் இடிப்பு வேண்டாமே! முதல்வர் ஸ்டாலினுக்கு இந்து முன்னணி கோரிக்கை
- Lifestyle திருப்பதிக்கு செல்லும் பக்தர்களுக்கு ஹப்பி நியூஸ்.. ஐஆர்சிடிசி அறிவித்த டூர் பேக்கேஜ்.. இதோ முழு விவரம்..!
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
திருச்சி "லிங்கா"வுக்கு சிக்கல் தீர்ந்தது - போராட்டத்தை கைவிட்டு விட்டு கொண்டாட தயாராகும் ரசிகர்கள்!
திருச்சி : விநியோகஸ்தர்களுக்கும், தியேட்டர் உரிமையாளர்களுக்கும் இடையே நீடித்து வந்த பிரச்சினை முடிவுக்கு வந்ததால், திருச்சியில் லிங்கா படம் ரிலீசாவதில் இருந்த சிக்கல் தீர்ந்துள்ளது. அங்கு 12 தியேட்டர்களில் லிங்கா படம் ரிலீசாக உள்ளதால் ரசிகர்கள் பெரும் மகிழ்ச்சி அடைந்துள்ளனர்.கே.எஸ். ரவிகுமார் இயக்கத்தில், சூப்பர் ஸ்டார் ரஜினிகாந்த் நடித்துள்ள லிங்கா படம் தமிழகம் முழுவதும் நாளை வெளியாகவுள்ளது. ரஜினியின் பிறந்த நாளை முன்னிட்டு படத்தை நாளை வெளியிட முடிவு செய்யப்பட்டு, தமிழகத்தின் பெரும்பாலானப் பகுதிகளில் தியேட்டர்கள் முடிவு செய்யப்பட்டுவிட்டது.
லிங்கா படம் வெளியாகும் தியேட்டர்களில், பேனர் கட்டுவது, கட்டவுட் வைப்பது உள்ளிட்டப் பணிகளில் ரஜினி ரசிகர்கள் தீவிரமாக ஈடுபட்டு வருகின்றனர். ஆனால், திருச்சியில் மட்டும் லிங்கா படம் ரிலீசாக உள்ள தியேட்டர்கள் முடிவு செய்யப்படாமல் குழப்பம் நிலவியதால், ரசிகர்கள் கவலையில் ஆழ்ந்தனர்.
விநியோகஸ்தர்களுக்கும், தியேட்டர் உரிமையாளர்களுக்கும் இடையே நீடித்து வந்த பிரச்சினையின் காரணமாக நாளிதழ்களில் இன்று வெளியான லிங்கா பட விளம்பரத்திலும் தியேட்டர்கள் பற்றிய அறிவிப்பில்லை. இதனால் லிங்கா படத்தை ரிலீஸ் நாளன்றே பார்க்க வேண்டும் என்ற ஆவலில் இருந்த ரசிகர்கள் ஏமாற்றம் அடைந்தனர்.
தொடர்ந்து இப்பிரச்சினைக்கு தீர்வு காணப்படவில்லை எனில் இன்று மாலை சாலை மறியல் உள்ளிட்ட போராட்டங்களில் ஈடுபட அவர்கள் முடிவு செய்திருந்தனர். இதனால், திருச்சியில் பரபரப்பு ஏற்பட்டிருந்தது.
இந்நிலையில், விநியோகஸ்தர்களுக்கும், தியேட்டர் உரிமையாளர்களுக்கும் இடையே இருந்த பிரச்சினையில் சுமூக தீர்வு ஏற்பட்டது. மேலும், திருச்சியில் 12 தியேட்டர்களில் லிங்கா ரிலீஸ் செய்யப்படுவது உறுதி செய்யப்பட்டது.
இதையடுத்து திருச்சி ரஜினி ரசிகர்கள் தங்கள் போராட்ட முடிவைக் கைவிட்டனர். லிங்காவைக் காண ஆர்வமுடன் காத்திருப்பதாக அவர்கள் தெரிவித்துள்ளனர்.