இரண்டு நாட்கள் தூக்கம் இல்லை.. GOAT தயாரிப்பாளருடன் திரிஷா என்ன செஞ்சிருக்காரு பாருங்க

சென்னை: நடிகை திரிஷா கடந்த 20 வருடங்களுக்கும் மேலாக முன்னணி நடிகையாக திகழ்ந்துகொண்டிருக்கிறார். விடாமுயற்சி, தக் லைஃப் உள்ளிட்ட படங்களும் வரவிருக்கின்றன. கடைசியாக அவரது நடிப்பில் பிருந்தா என்ற வெப் சீரிஸ் வெளியானது. ரசிகர்களிடம் நல்ல வரவேற்பையும் பெற்றது. அடுத்ததாக விடாமுயற்சி உள்ளிட்ட படங்களில் நடித்துவருகிறார்.

ஜோடி படத்தில் சிம்ரனுக்கு தோழியாக ஸ்க்ரீனில் தலை காட்டியவர் திரிஷா. அதன் பிறகு ப்ரியதர்ஷன் இயக்கத்தில் உருவான லேசா லேசா படத்தில் நடிப்பதற்கு கமிட்டானார். அந்தப் படம் வெளியாவதற்கு முன்னதாகவே அமீர் இயக்கத்தில் சூர்யா நடித்த மௌனம் பேசியதே படத்தில் நடித்து படமும் வெளியாகிவிட்டது. முதல் படத்திலேயே திரிஷாவின் நடிப்பும், அழகும் ரசிகர்களை வெகுவாக கவர்ந்தது.

முன்னணி நடிகை: முதல் இரண்டு படங்களின் வெற்றிக்கு பிறகு திரிஷாவுக்கு பட வாய்ப்புகள் குவிந்தன. பொதுவாக தமிழ் சினிமா ரசிகர்கள் பப்ளியான ஹீரோயினைத்தான் கொண்டாடுவார்கள் என்ற மாயையை திரிஷா அடித்து நொறுக்கினார். அவர் நடித்த ஒவ்வொரு படத்திலும் அழகும், திறமையும் கூடிக்கொண்டே போக திரிஷாவுக்கு என்று ரசிகர்களும் கூடிக்கொண்டே போனார்கள். அஜித், விஜய், ரஜினி, கமல், ஆர்யா,சூர்யா என பல ஹீரோக்களுடனும் ஜோடி போட்டிருக்கிறார் திரிஷா.

குந்தவை திரிஷா: பொன்னியின் செல்வன் நாவலில் வாசகர்களை ரொம்பவே கவர்ந்த சில கதாபாத்திரங்களில் குந்தவையும் ஒன்று. எனவே அந்தக் கதாபாத்திரத்தை ஏற்றிருக்கும் திரிஷா அந்த வெயிட்டேஜை தாங்குவாரா என ரசிகர்களில் சில கேள்வி எழுப்பினர். அவர்களது கேள்விக்கு அவர் தனது நடிப்பால் பதில் சொல்லியிருந்தார். இரண்டு பாகங்களிலுமே அவரது நடிப்பு மிரட்டலாக இருந்தது. கடைசியாக அவரது நடிப்பில் லியோ வெளியானது. அஜித்துடன் விடாமுயற்சி படத்தில் தற்போது நடித்துவருகிறார்.

மீண்டும் லைம் லைட்டில்: திரிஷா இடையில் சறுக்கலை சந்தித்தார் என்பது உண்மைதான். ஆனால் விடாமுயற்சியுடன் தொடர்ந்து நடித்து வந்த அவருக்கு 96 படம் தரமான கம்பேக்காக அவருக்கு அமைந்தது. அதனைத் தொடர்ந்து மீண்டும் லைம் லைட்டுக்கு வந்தார் அவர். கிட்டத்தட்ட 20 வருடங்களுக்கும் மேலாக டாப் லிஸ்ட்டில் ஹீரோயின்கள் வெகு சிலர்தான். அவர்களில் முதன்மையானவர் திரிஷா என்பது கவனிக்கத்தக்கது.கடைசியாக் அவரது நடிப்பில் பிருந்தா வெப் சீரிஸ் வெளியானது. அடுத்ததாக விடாமுயற்சி, தக் லைஃப் ஆகிய படங்கள் ரிலீஸாகவிருக்கின்றன. மேலும் குட் பேட் அக்லி படத்திலும் அவர் கமிட்டாகியிருப்பதாக கூறப்படுகிறது.

மட்ட திரிஷா: சூழல் இப்படி இருக்க வெங்கட் பிரபு இயக்கத்தில் விஜய் நடித்த GOAT படம் கடந்த மாதம் வெளியானது. படத்தின் பணிகள் ஆரம்பித்ததிலிருந்தே திரிஷா இப்படத்தில் ஒரு பாடலுக்கு நடனமாடியிருப்பதாக சொல்லப்பட்டது. ஆனால் ப்ரோமோஷன்களில் அதனை படக்குழு மறைத்தே வந்தது. தியேட்டருக்கு சென்ற ரசிகர்களுக்கு செம சர்ப்ரைஸாக மட்ட பாடலுக்கு திரிஷா ஆடியது இருந்தது.

அர்ச்சனாவுடன்: இந்நிலையில் திரிஷா தனது தோழிகள் ஆறு பேருடன் வெளிநாட்டுக்கு ட்ரிப் சென்றிருக்கிறார். அந்த ட்ரிப்பில் GOAT தயாரிப்பாளர் அர்ச்சனா கல்பாத்தியும் இருக்கிறார். இதுதொடர்பாக பகிர்ந்திருக்கும் வீடியோவில் ஆறு பேருக்கு 16 பெட்டிகள் என்று குறிப்பிட்டிருக்கிறார். மேலும் 48 மணி நேரம் தூங்காமல் 24 மணி நேரம் பயணம் செய்திருக்கிறோம். இனி கொண்டாட்டம் ஆரம்பம் என்று தெரிவித்திருக்கிறார்.