Don't Miss!
- News வின்னர் யாரு? ரிப்போர்ட் அனுப்புங்க.. வாக்குச்சாவடி ரீதியாக திமுக, அதிமுக திக் சர்வே! எகிறிய பதற்றம்
- Lifestyle திருப்பதிக்கு செல்லும் பக்தர்களுக்கு ஹப்பி நியூஸ்.. ஐஆர்சிடிசி அறிவித்த டூர் பேக்கேஜ்.. இதோ முழு விவரம்..!
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Finance ஆதார் அட்டை தொலைஞ்சி போயிடுச்சா.. கவலை வேண்டாம்.. இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
மலையாளத்தில் முதன்முறையாக மோகன்லால் உடன் ஜோடி சேரும் த்ரிஷா
சென்னை: நடிகை த்ரிஷா கடந்த ஆண்டு மலையாளத்தில் நடித்த ஹே ஜூடு படம் வெற்றி பெற்றதை அடுத்து, தற்போது நடிகர் மோகன்லால் உடன் ஜோடியாக நடிக்கப்போவதாக மலையாள சினிமா வட்டாரங்கள் தகவல் தெரிவிக்கின்றன. இது இவர்கள் இருவரும் இணைந்து நடிக்கும் முதல் படமாகும்.
தமிழ், தெலுங்கு மொழியில் முன்னணி நடிகையாக வளம் வருபவர் நடிகை த்ரிஷா. இவருடன் நடிக்க ஆரம்பித்த நடிகைகள் அனைவரும் இன்றைக்கு கல்யாணம், குழந்தை குட்டிகள் என்று செட்டிலாகிவிட்டனர். ஆனால் த்ரிஷா மட்டும் இன்னும் அதே இளமைத்துடிப்புடன் திறமையான நடிப்பையும் வெளிக்காட்டி வருகிறார். இதற்கு கடந்த ஆண்டு வெளியான 96 படமே அத்தாட்சி.
கடந்த வருடம் அவர் நடித்து வெளியாகிய 96 திரைப்படம் மக்களிடையே வெற்றி பெற்று அவரது மார்க்கெட் பலமடங்கு உயர்ந்தது. இந்த நிலையில் இந்த வருடம் வெளியான பேட்ட திரைப்படத்தில் நடிகர் ரஜினிக்கு ஜோடியாக நடிக்கும் மிகப்பெரிய வாய்ப்பை பெற்றார் நடிகை த்ரிஷா.
த்ரிஷா கடந்த 16 ஆண்டுகளுக்கும் மேலாக தமிழ், தெலுங்கு என இரண்டு மொழிப்படங்களிலும் பிஸியான நடிகையாக வலம் வந்தாலும் மலையாளத்தில் இன்னும் ஒரு படத்தில் கூட நடிக்காதது சற்று மனக்குறையாகவே இருந்து வந்தது. இந்நிலையில் கடந்த ஆண்டு நிவின் பாலியுடன் ஹே ஜூடு என்ற படத்தில் இணைந்து நடித்ததன் மூலம் அந்த மனக்குறையும் நீங்கியது.
இதையடுத்து தற்போது மலையாளத்தில் மோகன்லாலுக்கு ஜோடியாக ஒரு திரைப்படத்தில் நடிகை த்ரிஷா நடிக்க போகிறார் என்று தகவல் வெளியானது. திரிஷ்யம் திரைப்படத்தை தொடர்ந்து நடிகர் மோகன்லால் மற்றும் இயக்குனர் ஜீத்து ஜோசப் மீண்டும் இணையை இருக்கிறார்கள். திரிஷ்யம் திரைப்படம் இந்தி, தமிழ், தெலுங்கு மொழிகளில் எடுக்கப்பட்டு மிகப்பெரிய வெற்றியை பெற்றது.
இப்போது நடிகர் மோகன்லால் மற்றும் இயக்குனர் ஜீத்து ஜோசப் இரண்டாவது திரைப்படமும் திரிஷ்யம் திரைப்படம் போல திகில் திரைப்படமாக வரவிருக்கிறது. இந்த திரைப்படத்தை எகிப்து, கனடா மற்றும் சில வெளிநாடுகளில் படப்பிடிப்பு நடத்தப்போவதாக தகவல் வெளியாகியது. வரும் நவம்பர் மாதம் படப்பிடிப்பு தொடங்கவுள்ளதாக கூறப்படுகிறது.
இந்த திரைப்படத்தில் நடிகர் மோகன்லாலுக்கு ஜோடியாக த்ரிஷா நடிக்க இருக்கிறார் என்று சொல்லப்படுகிறது. இவர்கள் இருவரும் இணைந்து நடிக்கும் முதல் திரைப்படம் இது தான். தற்போது கார்த்தி திரைப்படத்தை இயக்கிவரும் இயக்குனர் ஜீத்து ஜோசப் அதை முடித்துவிட்டு இந்த திரைப்படத்தை இயக்கவிருக்கிறார் என்று தகவல் வெளியாகியது. மேலும் சதுரங்க வேட்டை 2, கர்ஜனை, பரமபதம் விளையாட்டு, ராங்கி போற்ற திரைப்படம் நடிகை திரிஷா கை வசம் உள்ளது.