டிடிகே பிரஸ்டீஜின் புதிய பிராண்ட் அம்பாசிடரான அபிஷேக் பச்சன், ஐஸ்வர்யா ராய்

சென்னை: சமையல் அறை சாதனங்கள் தயாரிப்பாளரான டிடிகே பிரஸ்டீஜ் பாலிவுட் நடிகர் அபிஷேக் பச்சன் மற்றும் அவரது மனைவி ஐஸ்வர்யா ராயை தங்கள் பிராண்ட் அம்பாசிடர்களாக நியமித்துள்ளது.

பிரசவத்திற்கு பிறகு படங்களில் நடிக்காத ஐஸ்வர்யா ராய் விளம்பர படங்களில் நடிப்பது, கடை திறப்பு விழாக்களில் கலந்து கொள்வது என்று பிசியாகத் தான் இருக்கிறார்.

இந்நிலையில் ஐஸ்வர்யா ராய் மற்றும் அவரது கணவரும், இந்தி நடிகருமான அபிஷேக் பச்சன் ஆகியோரை டிடிகே பிரஸ்டீஜ் நிறுவனம் தங்களின் பிராண்ட் அம்பாசிடர்களாக நியமித்துள்ளது. இதற்கான அறிவிப்பை அந்நிறுவனம் வெளியிட்டுள்ளது.

ரூ.2,500 கோடி மதிப்புள்ள டிடிகே குழுமத்தின் ஒரு பகுதி தான் சமையல் அறை சாதனங்கள் தயாரிப்பாளரான டிடிகே பிரஸ்டீஜ் என்பது குறிப்பிடத்தக்கது.