Click it and Unblock the Notifications
நவம்பர் 13-ம் தேதிக்கு தள்ளிப் போனது துப்பாக்கி... காரணம் ஹாரிஸா... விஜய்-முருகதாஸ் மோதலா?
விஜய் நடிக்கும் துப்பாக்கி படத்தின் ரிலீஸ் தேதி நான்கு தினங்கள் தள்ளி வைக்கப்பட்டுள்ளது. இது ரசிகர்களுக்கு ஏமாற்றம் தருவதாக உள்ளது.
விஜய் - காஜல் அகர்வால் நடிக்க, ஏ ஆர் முருகதாஸ் இயக்கும் படம் துப்பாக்கி.
அனைத்து வேலைகளும் முடிந்து, சென்சாரில் யு சான்று பெற்று நவம்பர் 9-ம் தேதி ரிலீசுக்கு தயாராக உள்ளதாக முதலில் கூறப்பட்டது.
ஆனால் ஹாரிஸ் ஜெயராஜ் பின்னணி இசை அமைப்பதில் மிகவும் தாமதம் செய்துவிட்டதால், இந்தப் படத்தை 9-ம் தேதி வெளியிட முடியவில்லையாம். இன்னொரு பக்கம், இயக்குநர் முருகதாசுக்கும் நாயகன் விஜய்க்கும் கருத்துவேறுபாடு ஏற்பட்டுவிட்டதால் இந்த நிலை என்கிறார்கள்.
எப்படியென்றாலும் வரும் 13-ம் தேதி, தீபாவளி தினத்தன்று படத்தை வெளியிடுவது உறுதி என அறிவித்துள்ளனர் தயாரிப்பாளரும் இயக்குநரும்.
Continue with Google