ஹோட்டலில் 2 வாழைப்பழம் ஆர்டர் செய்த கமல் பட நடிகர்: பில் ரூ. 442 மட்டுமே

வாழைப்பழம்

2 வாழைப்பழங்களுக்கு ரூ. 442. 50 பில் போட்டுள்ளனர். ஜி.எஸ்.டி.யையும் சேர்த்து தான் அந்த பில். பில்லை பார்த்த ராகுல் அதிர்ச்சி அடைந்து அதை வீடியோவாக எடுத்து ட்விட்டரில் வெளியிட்டு வெல்டன் ஜே.டபுள்.யூ மாரியட் சன்டிகர் என்று கூறி கிண்டல் செய்துள்ளார்.

பாப்கார்ன்

ராகுல் போஸின் ட்வீட்டை பார்த்த ரசிகர்கள் அதிர்ச்சி அடைந்தனர். அடப்பாவமே இரண்டு வாழைப்பழங்களுக்கு ரூ. 442 பில்லா, இதெல்லாம் பகல் கொள்ளை என்று தெரிவித்துள்ளனர். சிலரோ சார், மல்டிபிளக்ஸுகளுக்கு சென்று படம் பார்க்கும்போது பாப்கார்ன் விலையை பார்த்து நாங்களும் இப்படி தான் ஷாக் ஆகிறோம் என்று கூறியுள்ளனர்.

ஹோட்டல்

மாரியட் அறைக்கு எக்கச்சக்க பணம் கொடுத்து தங்கியிருக்கும்போது இரண்டு வாழைப்பழங்களுக்கான பில்லை பார்த்து அதிர்ச்சி அடைவது எல்லாம் ரொம்ப ஓவராக இருக்கு ராகுல் போஸ் சார். அறைக்கு கொடுக்கும் காசுடன் ஒப்பிடும்போது இது எல்லாம் ஒன்றுமே இல்லை என்று நெட்டிசன்கள் தெரிவித்துள்ளனர். சிலரோ ஹோட்டல் நிர்வாகத்திடம் இது குறித்து புகார் தெரிவிக்குமாறு அறிவுரை வழங்கியுள்ளனர்.

விஸ்வரூபம் 2

ராகுல் போஸ் நடிப்பில் கடைசியாக வெளியான படம் கமல் ஹாஸனின் விஸ்வரூபம் 2 தான். முன்னதாக அவர் பூர்ணா: தி ஃபேஸ் ஆஃப் கரேஜ் படத்தை தயாரித்து, இயக்கினார். அந்த படம் எதிர்பார்த்த அளவுக்கு ஓடவில்லை. வித்தியாசமான கதாபாத்திரங்களை தேர்வு செய்து நடிப்பதற்கு பெயர் போனவர் ராகுல் போஸ் என்பது குறிப்பிடத்தக்கது.