காமெடியில் இருந்து ஆக்ஷனுக்கு தாவும் உதயநிதி ஸ்டாலின்

சென்னை: இது கதிர்வேலின் காதலி படத்தில் உதயநிதி வேலைவெட்டி இல்லாதவராக வருகிறாராம்.

ஒரு கல் ஒரு கண்ணாடி படத்தின் மூலம் ஹீரோவான தயாரிப்பாளர் உதயநிதி ஸ்டாலின் நயன்தாராவுடன் சேர்ந்து நடிக்கும் படம் இது கதிர்வேலின் காதலி. முதல் படத்தில் காமெடி ஹீரோவாக வந்த அவர் இப்படத்தில் ஆக்ஷன் ஹீரோவாக வருகிறாராம். ஆனால் ஓவர் பில்ட் அப் கொடுக்காமல் அவரால் என்ன செய்ய முடியுமோ அதை மட்டுமே முயற்சி செய்யப் போகிறார்.

படத்தில் அவர் வேலை வெட்டியில்லாமல் சுற்றும் வாலிபராக நடிக்கிறார். மதுரைக்கு போகும் இடத்தில் நயன்தாராவை காதலிக்கிறார். படம் முழுக்க சிரிக்க வைக்க சந்தானம் இருக்கிறார். இந்த படத்தை சுந்தர பாண்டியன் பட புகழ் பிரபாகரன் இயக்குகிறார்.

எனது பர்சனாலிட்டிக்கு ஏற்றவாறு இருந்ததால் தான் இது கதிர்வேலின் காதலி படத்தில் நடிக்கிறேன் என்று உதயநிதி தெரிவித்துள்ளார்.