Don't Miss!
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Lifestyle 18 ஆண்டுகளுக்கு பின் உருவான அங்காரக யோகம்: ஜூன் வரை இந்த 3 ராசிக்காரங்க கவனமா இருக்கணும்...
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Automobiles பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
29வது திருமண நாளை கொண்டாடிய பிரபல தம்பதிகள்… இணையத்தில் வைரலாகும் வீடியோ !
சென்னை : ரியாஸ் கான் மற்றும் உமா ரியாஸ் கான் தம்பதியினரின் 29வது திருமண நாள் கொண்டாட்ட வீடியோ வைரலாகி வருகிறது.
இவர்கள் தங்களது திருமண நாளை ரசிகர்களோடு இணைந்து லைவ்வில் கலந்துரையாடியபடி கொண்டாடினர்.
இவர்களுக்கு ரசிகர்களும் திரைப்பிரபலங்களும் வாழ்த்துகளை கூறி வருகின்றனர்.
கோடியில் ஒருவன் தெலுங்கு ட்ரைலரை வெளியிடும் நடிகர் ராணா... டைட்டில் வேற லெவல் போங்க !
கோதாவரி
சம்சாரம் அது மின்சாரம் திரைப்படத்தில், மறைந்த நடிகர் விசு தனது கம்பீரமான குரலில், கோதாவரி என்று அழைப்பார். எங்கு இந்த பெயரைக் கேட்டாலும் உடனே நம் நினைவுக்கு வருது உமாவின் தாய் கமலா காமேஷ்தான். 80களில் அம்மா கதாபாத்திரத்தில் மிகவும் அழகா நடித்து மனதை கவர்ந்தவர் கமலா காமேஷ்.
அன்பே சிவம் படத்தில்
இவரின் மகள் தான் உமா, இவர் உலக நாயகன் கமஹாசன் நடிப்பில் வெளியான அன்பே சிவம் திரைப்படத்தில் மெகருனிசா என்ற கதாபாத்திரத்தில் நடித்து தனது அறிமுகத்தை கொடுத்தார். இவர் பார்ப்பதற்கு அச்சு அசல் அவர் அம்மாவைப் போலவே இருப்பார்.
மௌனகுரு
அன்பே சிவம் திரைப்படத்தைத் தொடர்ந்து ஒரு சில திரைப்படங்களில் நடித்திருந்தார். மேலும், இவர் அருள்நிதி, இனியா நடித்த மௌனகுரு திரைப்படத்தில் ஒரு நேர்மையான இன்ஸ்பெக்டர் பழனியம்மாள் கதாபாத்திரத்தில் நடித்திருந்தார். இந்த கதாபாத்திரத்தில் நடித்ததற்காக விஜய் டிவி சிறந்த துணை நடிகைக்கான விருதை வழங்கி கௌரவித்தது.
குக் வித் கோமாளி சீசன்1
இதையடுத்து, அம்புலி, மரியான், தூங்காவனம், பிரியாணி மகாமுனி ஆகிய படங்களிலும் நடித்துள்ளார். நடனம், நடிப்பு என அனைத்திலும் ஆல் ரவுண்டரான உமா. விஜய் டிவியில் ஒளிபரப்பான குக் வித் கோமாளி சீசன் 1ல் போட்டியாளராக கலந்து கொண்டார். அந்த நிகழ்ச்சியின் தொடக்கத்திலிருந்து விதவிதமான உணவுகளை சமைத்து அசத்தினார்.
யூடியூப் சேனல்
உமா ஒரு யூடியூப் சேனலை நடத்தி வருகிறார். அதில் ஏராளமான சுவாரசியமான தகவல்களை அவ்வப்போது பகிர்ந்து வருகிறார். இந்த சேனலை தற்போது 1.5லட்சத்திற்கும் அதிகமானோர் சப்ஸ்க்ரைப் செய்து உள்ளனர். உமாவின் கணவர் அனைவருக்கும் மிகவும் பரிச்சீயமான ரியாஸ் கான். அதேபோல இவரின் மகனும் பிக் பாஸ் சீசன் 3ல் போட்டியாளராக கலந்து கொண்டார்.
பிரபலமான நடிகர்
ரியாஸ்கான் பத்ரி, ஆளவந்தான், பாபா, வின்னர் உள்ளிட்ட படங்களின் மூலம் தமிழ் சினிமா ரசிகர்கள் மத்தியில் மிகுந்த பிரபலம் அடைந்தார். மேலும் தமிழ், மலையாளம், தெலுங்கு, கன்னடம், இந்தி உள்ளிட்ட பல்வேறு மொழிகளில் நூற்றுக்கும் மேற்பட்ட திரைப்படங்களில் நடித்துள்ளார்.
Recommended Video
29வது திருமண நாள்
இந்நிலையில் ரியாஸ் கான் மற்றும் உமா ரியாஸ் தம்பதியினர் தங்களது 29வது திருமண நாளை சமீபத்தில் கொண்டாடினர். தங்களது திருமண நாளை ரசிகர்களோடு லைவ்வில் கலந்துரையாடிக் கொண்டே கொண்டாடினர். இந்த வீடியோவில் ரியாஸ் கான் உமாவுக்கு தாலி கட்டியும், குங்குமம் வைத்தும் உமாவிற்கு சர்ப்ரைஸ்கொடுத்து அசத்தினார். இணையத்தில் வெளியாகி உள்ள இந்த வீடியோக ட்ரெண்டாகி வருகிறது. திரைப்பிரபலங்கள் பலரும் இந்த தம்பதிகளுக்கு வாழ்த்துக்களை கூறி வருகின்றனர்.