Click it and Unblock the Notifications
இளையராஜா ஸ்பெஷலாக மலையாளத்தில் ரிலீசான உன் சமையலறையில்!
பிரகாஷ் ராஜ் இயக்கிய உன் சமையலறையில் படம் கேரளாவில் இளையராஜா ஸ்பெஷலாக வெளியாகியுள்ளது.
பிரகாஷ் ராஜ், சினேகா, ஊர்வசி உள்ளிட்டோர் நடித்த படம் உன் சமையலறையில். தெலுங்கு, கன்னடத்திலும் வெளியானது. இந்தப் படம் மலையாளத்தில் வெளியான சால்ட் அன்ட் பெப்பர் படத்தின் ரீமேக் ஆகும்.
இந்தப் படம் தமிழிலும், தெலுங்கிலும் சுமாராகத்தான் போனது. ஆனால் கன்னடத்தில் பெரிய வெற்றியைப் பெற்றுள்ளது.
படத்தின் சிறப்புகளில் ஒன்றாக இளையராஜாவின் பாடல்கள் மற்றும் பின்னணி இசையைக் குறிப்பிட்டிருந்தனர் மீடியா விமர்சனங்களில்.
இந்தப் படத்தை கேரளாவில் வெளியிட வேண்டாம் என்றுதான் பிரகாஷ்ராஜ் முடிவு செய்திருந்தார். ஆனால் இளையராஜாவுக்கு கேரளாவில் ரசிகர்கள் அதிகம் என்பதால், இந்தப் படத்தை அவர் இசைக்காகவே கேரளாவில் வெளியிட முடிவு செய்திருக்கிறார் பிரகாஷ் ராஜ்.
இளையராஜாவின் இசைக் காவியம் என்ற முத்திரையோடு போஸ்டர்களை அடித்து அங்கு விளம்பரப்படுத்தியுள்ளனர் இந்தப் படத்தை.
Continue with Google