முகப்பு

செய்திகள்

சென்னை: சூது கவ்வும் படத்தில் நடித்த சிம்ஹா மற்றும் அதிதி நடிக்கும் புதிய ஆக்ஷன் த்ரில்லர் உறுமீன்.

ஜீரோ ரூல்ஸ் எண்டெர்டெய்ன்மெண்ட் டாக்டர் எல்.சிவபாலன் மற்றும் காபி சினிமாஸ் இணைந்து தயாரித்து வழங்கும் புதிய திரைப்படம் 'உறுமீன்'.

இது ஒரு ஆக்ஷன், திரில்லர் கதை. இப்படத்தை சக்திவேல் பெருமாள்சாமி இயக்குகிறார். அச்சு இசையமைக்கிறார். ஸ்ரீசரவணன் ஜி.மனோகரன் ஒளிப்பதிவு செய்கிறார்.

சூதுகவ்வும், நேரம், ஜிகர்தண்டா திரைப்படங்களில் முக்கியமான கதாபாத்திரத்தில் நடித்த சிம்ஹா கதாநாயகனாக நடிக்கிறார், கதாநாயகியாக அதிதி நடிக்கிறார்.

முக்கியமான கதாபாத்திரத்தில் காளி, வெங்கட், கலையரசன் மற்றும் பலர் நடிக்கின்றனர்.

படத்தில் மிகமுக்கியமான கதாபாத்திரத்தில் நடிக்க முன்னனி நடிகர் ஒருவருடன் பேச்சு நடத்தி வருகின்றனர். இப்படத்தின் பூஜை இன்று ஜீரோ ரூல்ஸ் அலுவலகத்தில் நடந்தது. தயாரிப்பாளர் சிவி குமார் மற்றும் இயக்குநர் கார்த்திக் சுப்பாராஜ் இதில் கலந்து கொண்டனர்.

கார்த்திக் சுப்பாராஜ் கிளாப் அடித்து படத்தை துவக்கி வைத்தார். இப்படப்பிடிப்பு மார்ச் மாதம் 5-ஆம் தேதி சென்னையில் தொடங்கி, கோவை, ஹைதரபாத் ஆகிய இடங்களில் நடக்கிறது.