கீர்த்தி சுரேஷ் இல்லையாமே.. பிரபாஸின் ஆதிபுருஷ் படத்தில் சீதையாக நடிக்கப் போவது இவர்தான்!

ராதே ஷ்யாம்

நடிகர் பிரபாஸ், பாகுபலியில் நடித்ததன் மூலம் இந்தியா முழுவதும் பிரபலமானார். இதையடுத்து அவர் நடிக்கும் படங்கள், பான் இந்தியா முறையில் உருவாகி வருகிறது. பாகுபலி-க்குப் பிறகு அவர் நடித்த சாஹோ படம் தமிழ், தெலுங்கு, இந்தியில் வெளியானது. அடுத்து ராதே ஷ்யாம் என்ற படத்தில் நடித்து வருகிறார். கே.கே. ராதாகிருஷ்ணா இயக்கி வருகிறார்.

ஆதிபுருஷ் படம்

இதில் பூஜா ஹெக்டே ஹீரோயின். பீரியட் காதல் கதையான இது, ஐரோப்பிய பின்னணியில் நடக்கிறது. இதன் ஷூட்டிங், கொரோனாவுக்கு முன்புவரை ஜார்ஜியாவில் நடந்து வந்தது. இதையடுத்து அவர் நாக் அஸ்வின் இயக்கும் படத்தில் நடிக்கிறார். இதற்கிடையே, அவர் ஆதிபுருஷ் என்ற படத்தில் நடிக்க இருக்கிறார்.

3டி-யில் உருவாகிறது

ராமாயணத்தின் ஒரு பகுதி கதையை மையப்படுத்தி இந்தப் படம் உருவாகிறது. இந்தி, தெலுங்கில் உருவாக இருக்கும் இந்தப் படத்தை தமிழ், மலையாளம், கன்னடம் மொழிகளிலும் வெளியிடுகின்றனர். 3டி-யில் உருவாகும் இந்த படம் பற்றி பிரபாஸ் கூறும்போது, ஒவ்வொரு கேரக்டரும் சவால் நிறைந்தது என்று கூறியிருந்தார்.

ஊர்வசி ரவ்தெலா

இந்நிலையில் இந்தப் படத்தில் கீர்த்தி சுரேஷ், பிரபாஸ் ஜோடியாக நடிக்கப் போவதாக செய்திகள் வெளியானது. ஆனால், அவர் நடிக்கவில்லை என்றும் இந்தி நடிகை ஒருவரிடம் பேசிவருவதாகவும் கூறப்பட்டது. இப்போது பிரபல இந்தி நடிகை ஊர்வசி ரவ்தெலா நடிக்க இருப்பதாகவும் அவரிடம் படக்குழு பேச்சுவார்த்தி நடத்தி வருவதாகவும் கூறப்படுகிறது.

விர்ஜின் பானுப்பிரியா

நடிகை ஊர்வசி ரவ்தெலா, கடைசியாக விர்ஜின் பானுப்பிரியா என்ற இந்தி படத்தில் நடித்திருந்தார். இது ஓடிடியில் வெளியாகி இருந்தது. இதையடுத்து சந்தீப் நந்தி இயக்கும் பிளாக் ரோஸ் என்ற தெலுங்கு படத்தில் நடித்து வருகிறார். இதன் ஷூட்டிங் ஐதராபாத்தில் நடந்து வருகிறது.