கமலின் ‘உத்தமவில்லன்’ ரிலீஸ் தேதி மாற்றம்... அக்டோபரில் தான்?

ரிலீஸ்...

காமெடியை அடித்தளமாகக் கொண்ட இப்படத்தின் வேலைகள் துரித கதியில் நடந்து வருகின்றன. எனவே, படம் ஆகஸ்ட் அல்லது செப்டம்பர் மாதம் ரிலீசாகும் என தகவல் வெளியானது.

தள்ளிப் போகிறது?

ஆனால், தற்போது சிலபல காரணங்களால் படம் செப்டம்பர் மாதம் ரிலீசாகாது என்றும், ரிலீஸ் தேதி அக்டோபர் மாதத்திற்கு தள்ளிப்போவதாகவும் செய்திகள் தெரிவிக்கின்றன.

சர்ச்சை நாயகன்...

சமீபகாலமாக தன் படங்கள் மூலம் கமலும் சர்ச்சை நாயகன் ஆகி வருகிறார். அந்தவகையில் ரசிகர்கள் அதிகம் எதிர்பார்க்கும் உத்தம வில்லன் பட ‘பர்ஸ்ட் லுக்கே' பரபரப்பைக் கூட்டியது.

காப்பி இல்லை...

படப்பிடிப்பு தொடங்குவதற்கு முன்னதாகவே வித்தியாசமாக வெளியான பர்ஸ்ட் லுக்கில் வரும் கமலின் தோற்றம் ஒரு பிரபல புகைப்படத்தின் காப்பி என விமர்சனங்கள் எழுந்தன. ஆனால், அதற்கு உரிய விளக்கம் அளித்து விட்டு தன் பட வேலையை மீண்டும் துவக்கினார் கமல்.

காமெடித் திருவிழா...

இப்படத்தில் கமலுடன் மலையாள நடிகர் ஜெயராமும் இணைந்து நடிப்பதால், தெனாலி, பஞ்ச தந்திரம் பட வரிசையில் இப்படமும் காமெடியில் களை கட்டும் என எதிர்பார்க்கப் படுகிறது.