'தல' பிறந்தநாளில் ரிலீஸாகும் அருண் விஜய்யின் வா டீல்?

வா டீல்

என்னை அறிந்தால் படத்தை அடுத்து அருண் விஜய் நடிப்பில் வெளியாக உள்ள படம் தான் வா டீல். முதலில் டீல் என்று தான் படத்திற்கு பெயர் வைத்தனர். பின்னர் அதை வா டீல் என்று மாற்றிவிட்டனர்.

அருண், கார்த்திகா

சிவஞானம் இயக்கியுள்ள இந்த படத்தில் அருண் விஜய் ஜோடியாக கார்த்திகா நாயர் நடித்துள்ளார். படத்திற்கு தமன் இசையமைத்துள்ளார்.

ரசிகர்கள்

அருண் விஜய் தனது ரசிகர்களை ஞாயிற்றுக்கிழமை நேரில் சந்தித்து பேசியுள்ளார். ரசிகர்களை சந்தித்து அவர்களின் கருத்துகளை கேட்டுத் தெரிந்ததில் மகிழ்ச்சி என்று அவர் ட்விட்டரில் தெரிவித்துள்ளார்.

தல பிறந்தநாள்

அனைத்தும் திட்டமிட்டபடி நடந்தால் வா டீல் வரும் மே மாதம் 1ம் தேதி ரிலீஸாகும். இசை வெளியீடு ஏப்ரல் 15ம் தேதி நடக்கும் என்று அருண் விஜய் ட்வீட் செய்துள்ளார். மே 1ம் தேதி 'தல' அஜீத்தின் பிறந்தநாள் என்பது குறிப்பிடத்தக்கது.

கார்த்திகா

ஒரு வெற்றியாவது கொடுத்துவிட மாட்டோமா என்ற ஏக்கத்தில் இருக்கும் கார்த்திகா நாயர் வா டீல் படத்தை பெரிதும் எதிர்பார்க்கிறார். அவர் தற்போது ஆர்யா, விஜய் சேதுபதி, ஷாமுடன் சேர்ந்து புறம்போக்கு என்கிற பொது உடமை படத்தில் நடித்து வருகிறார் என்பது குறிப்பிடத்தக்கது.