வேற லெவல் விசுவல்ஸ்.. அருவியை ஓவர் டேக் செய்யுமா வாழ்!

டிரெண்டிங்

வாழ் டீஸர் வெளியான சில நொடிகளிலேயே வாழ் டீஸர் ஹாஷ்டேக் ட்விட்டரில் டிரெண்டாகி வருகிறது. இந்த படத்தின் இயக்குநர் அருண் பிரபு மற்றும் தயாரிப்பாளர் சிவகார்த்திகேயனை பலரும் பாராட்டி வருகின்றனர்.

அடுத்த ஹிட்

சிவகார்த்திகேயன் புரொடக்‌ஷன் கம்பேனி ஆரம்பித்து கனா, நெஞ்சமுண்டு நேர்மையுண்டு ஓடு ராஜா, வாழ் என மூன்று படங்களை தயாரித்துள்ளார். கனா மற்றும் நெஞ்சமுண்டு நேர்மையுண்டு ஓடு ராஜா படங்கள் வெற்றியடைந்துள்ள நிலையில், வாழ் படமும் நிச்சயம் வெற்றி பெறும் என்பது டீஸரை பார்த்தாலே தெரிகிறது.

நீயா நானா

அருவி படத்தில் சொல்வதெல்லாம் உண்மை நிகழ்ச்சியை வச்சு செய்திருந்த அருண் பிரபு, இந்த படத்தில் நீயா நானாவை கையில் எடுத்துள்ளார். பிரகாஷ் எனும் தனி மனிதன் குறித்து பேசும் அளவுக்கு அந்த நபர் என்ன செய்தார், என்ன பிரச்சனை என டீஸரை பார்த்த ரசிகர்கள் ஆர்வமுடன் படத்தின் ரிலீசுக்கு வெயிட் செய்கின்றனர்.

யார் யார்

வாழ் படத்தில் பிரதீப் ஆண்டனி, டி.ஜே. பானு, ஆரவ், திவா தவான், நித்யா, ஸ்ரீஜா, இன்மொழி, மயூரா, பாபு உள்ளிட்ட புதுமுக நடிகர்கள் நடித்துள்ளனர். அருவி படத்தில் நடித்த பிரதீப் ஆண்டனி இந்த படத்திலும் லீடு ரோல் செய்துள்ளார்.