நரம்பு புடைக்க சிக்ஸ் பேக்குடன் மிரட்டும்.. வலிமை வில்லன் கார்த்திகேயன்.. உச்சு கொட்டும் ரசிகர்கள் !

வலிமை

தமிழ் சினிமாவின் உச்ச நட்சத்திர நடிகரான அஜித்குமார் நடிப்பில் இயக்குனர் எச். வினோத் இயக்கியுள்ள திரைப்படம் வலிமை. இந்த திரைப்படத்திற்கான எதிர்பார்ப்பு மிகவும் அதிகமாக இருந்த நிலையில் இந்த படத்தின் டிரைலர் வெளியாகி சமூக வலைதளங்களில் வைரலானது.

பொங்கலுக்கு ரிலீஸ்

வலிமை திரைப்படம் பொங்கலுக்கு வெளியாகும் என்று ஏற்கெனவே அறிவிக்கப்பட்டிருந்த நிலையில், படத்தின் ரிலீஸ் தேதி குறித்து படக்குழு அதிகாரப்பூர்வ அறிவிப்பு வெளியிட்டுள்ளது. அந்த அறிவிப்பில் வலிமை திரைப்படம் பொங்கல் பண்டிகையை முன்னிட்டு 2022-ம் ஆண்டு ஜனவரி மாதம் 13-ந்தேதி வியாழக்கிழமை வெளியாகும் என்று தெரிவிக்கப்பட்டுள்ளது.

யு/ஏ சான்றிதழ்

மேலும் வலிமை படத்திற்கு, தணிக்கைத்துறை யு/ஏ சான்று வழங்கியுள்ளது. மேலும், இந்த திரைப்படம் 178 நிமிடங்கள் நீளம் கொண்டது என்ற தகவலும் வெளியாகி உள்ளது. இந்த திரைப்படத்திற்கு யுவன் சங்கர் ராஜா இசையமைத்துள்ளார். நீரவ் ஷா ஒளிப்பதிவு செய்துள்ளார். ஜீ ஸ்டுடியோஸ் மற்றும் போனி கபூர் இணைந்து தயாரித்துள்ளனர்.

மாஸ்காட்டும் வில்லன்

இந்த நிலையில், வலிமை திரைப்படத்தில், அஜித்துக்கு வில்லனாக நடித்துள்ள தெலுங்கு நடிகர் கார்த்திகேயா, தனது ட்விட்டர் பக்கத்தில் சிக்ஸ் பேக்குடன் இருக்கும் புகைப்படத்தை வெளியிட்டுள்ளார். இந்த புகைப்படத்திற்கு லைக்குகள் குவித்துவரும் நேரத்தில் வில்லனுக்கே ரசிகர்கள் மன்றம் திறந்துவிடுவார்கள் என்றும் அஜித்துக்கு வில்லன்னா சும்மா என்றும் கமெண்டுகள் இணையத்தில் வேகமாக பரவி வருகிறது.