விஜய் சேதுபதி, கிருஷ்ணாவின் புதிய 'வன்மம்'- காரணம் சுனைனா?!

சென்னை: தமிழ் சினிமாவில் இரண்டு கதாநாயகர்கள் இணைந்து நடிக்கும் படங்கள் ஒன்றும் புதிதல்ல.

முன்னணி நட்சத்திரங்களான ரஜினி-கமல், அஜித்-விஜய் ஆகியோரோ அப்படிப்பட்ட படங்களில் நடித்திருக்கின்றார்கள்.

அந்த வகையில் பீட்ஸா புகழ் விஜய் சேதுபதியும், யாமிருக்க பயமே புகழ் கிருஷ்ணா குலசேகரனும் இணைந்து நடிக்கும் படம்தான் "வன்மம்".

ஜெய் கிருஷ்ணா இயக்கும் படம்:

ஜெய் கிருஷ்ணா இயக்கத்தில் இவர்கள் இருவரும் இணைந்து நடிக்கும் இப்படத்தில் கிருஷ்ணாவிற்கு ஜோடியாக சுனைனா நடித்துள்ளார்.

25 வருடத் தவம்:

சுமார் 25 வருடங்களாக தமிழ் சினிமாவில் துணை இயக்குனராகவும், இணை இயக்குனராகவும் பணியாற்றியவர் ஜெய் கிருஷ்ணா.

60 நாட்கள் படபிடிப்பு:

இப்படத்தின் கதையைக் கேட்டதுமே தயாரிப்பாளர் நேமிசந்த் ஐபக்கும், விஜய் சேதுபதியும் பிளாட் ஆகிவிட்டனராம். கிட்டதட்ட 60 நாட்களுக்கு மேலாக நாகர்கோவில் மற்றும் அதைச் சுற்றியுள்ள பகுதிகளில் படபிடிப்பை நடத்தி உள்ளனர் படக்குழுவினர்.

பிஸியாகப் போகும் விஜய் சேதுபதி:

இப்படத்திற்கு தமன் இசையமைத்துள்ளார். இப்படத்தில் சுனைனாவும், கிருஷ்ணாவும் மிகவும் நெருக்கமாக நடித்துள்ளனராம். ஏற்கனவே படு பிஸியாக உள்ள விஜய் சேதுபதி இந்தப் படம் வந்தால் இன்னும் பிஸியாகி விடுவார் என்கின்றார்கள் படக்குழுவினர்கள்.

26 ஆம் தேதி ரிலீஸ்:

இந்த மாதம் 26 ஆம் தேதி இப்படம் வெளியாகும் என்று எதிர்ப்பார்க்கப்படுகின்றது. அதே நாளில்தான் கார்த்தி நடிப்பில் உருவாகியுள்ள "மெட்ராஸ்" படமும் வெளியாக உள்ளது என்பது குறிப்பிடத்தக்கது.