புருஷன் அடித்தால் தைரியமா திருப்பி அடிங்க: பெண்களுக்கு வரலட்சுமி அறிவுரை

சென்னை

மகளிர் தினத்தை முன்னிட்டு சேவ் சக்தி(Save Sakthi) அமைப்பு சார்பில் சென்னை வியாசர்பாடியில் மகளிர் தின விழா நடைபெற்றது. இதில் வரலட்சுமி சரத்குமார் கலந்து கொண்டு உரையாற்றினார்.

மதிப்பு

எதிர்கால சமுதாயத்திற்கு நல்ல விஷயங்களை சொல்லிக் கொடுக்க வேண்டும் என்றும், பெண்களை மதிக்க கற்றுக் கொடுக்க வேண்டும் என்றும் வரலட்சுமி வலியுறுத்தினார்.

மனைவி

கணவன் அடித்தால் மனைவி சும்மா இல்லாமல் திருப்பி அடிக்க வேண்டும் என்று வரலட்சுமி கூறினார். பெண்கள் பாதுகாப்பாக இருக்கத் தேவையான நடவடிக்கைகள் எடுக்கப்பட வேண்டும் என்று அவர் தெரிவித்தார்.

உதவி

பெண்களுக்கு நலத்திட்ட உதவிகள் வழங்கினார் வரலட்சுமி. கணவனை திருப்பி அடிக்க வேண்டும் என்று வரலட்சுமி கூறியதை வைத்து நெட்டிசன்ஸ் அவரை கலாய்த்துள்ளனர்.

அந்த பயம் இருக்கட்டும்

வரலட்சுமியும் வாரிசு நடிகர் ஒருவரும் காதலிப்பதாக பல காலமாக பேசப்படுகிறது. வரலட்சுமியின் நேற்றைய பேச்சை கேட்ட பிறகு நடிகருக்கு பயம் வந்திருக்கும் என்று கலாய்க்கிறார்கள் நெட்டிசன்ஸ்.