ராஷ்மிகா, குஷ்பு தான் போட்டோ போடுவாங்களா.. நாங்களும் போடுவோம்.. வாரிசு நடிகர்களின் புதிய பிக்!

பொங்கல் பரிசு

விஜய் ரசிகர்களுக்கு வரும் பொங்கல் பரிசாக வாரிசு படம் வெளியாக உள்ளது. வரும் தீபாவளி பண்டிகைக்கு வாரிசு படத்தின் ஃபர்ஸ்ட் சிங்கிள் அல்லது டீசர் வெளியாகும் என எதிர்பார்க்கப்படுகிறது. மேலும், வாரிசு படத்தின் பிரம்மாண்ட இசை வெளியீட்டு விழா டிசம்பர் மாதம் நடைபெறும் என்றும் தகவல்கள் வெளியாகி உள்ளன.

விஜய் ராஷ்மிகா செல்ஃபி

வாரிசு படத்தின் 100வது நாள் படப்பிடிப்பு சமீபத்தில் நடைபெற்றது. அதில் கலந்து கொண்ட நடிகை ராஷ்மிகா மந்தனா விஜய்யுடன் எடுத்த க்யூட்டான செல்ஃபி புகைப்படத்தை தனது இன்ஸ்டாகிராம் ஸ்டோரியில் வைக்க அது ட்விட்டர் டிரெண்டிங்கில் இடம்பிடித்தது. விரைவில் வாரிசு படத்தின் அப்டேட்கள் வரப்போகும் சந்தோஷத்தில் விஜய் ரசிகர்கள் உற்சாகமாகி உள்ளனர்.

சின்னதம்பி நாட்டாமையுடன் குஷ்பு

ராஷ்மிகா ஒரு பக்கம் விஜய்யுடன் இருக்கும் போட்டோவை பதிவிட்ட நிலையில், நடிகை குஷ்பு நடிகர் பிரபு மற்றும் சரத்குமாருடன் எடுத்துக் கொண்ட க்யூட்டான போட்டோக்களை தனது இன்ஸ்டாகிராம் பக்கத்தில் வெளியிட்டு விஜய் ரசிகர்களுக்கு இன்பதிர்ச்சி கொடுத்தார்.

ஷாம், சம்யுக்தா

இந்நிலையில், தற்போது நீங்க மட்டும் தான் போட்டோஸ் போடுவீங்களா, இருங்க நாங்களும் போட்டோ போடுகிறோம் என வாரிசு படத்தில் நடித்து வரும் நடிகர் ஷாம், சங்கீதா மற்றும் பிக் பாஸ் சம்யுக்தா உள்ளிட்ட ஒரு டீமே ஒன்றாக இணைந்து எடுத்துக் கொண்ட புகைப்படம் தற்போது இணையத்தில் மின்னல் வேகத்தில் பரவி வருகிறது.

இப்பவே ஹேப்பி

வாரிசு படம் இப்பவே 250 கோடிக்கும் அதிகமாக ப்ரீ ரிலீஸ் பிசினஸ் செய்துள்ளதாக வெளியான தகவல்களால் வாரிசு படக்குழுவே உச்சகட்ட சந்தோஷத்தில் இருப்பது தெளிவாக தெரிகிறது. மிகப்பெரிய நட்சத்திர பட்டாளத்துடன் நடிகர் விஜய் நடித்துள்ள வாரிசு திரைப்படம் வரும் பொங்கலுக்கு வெளியாகி சக்கைப் போடு போடப் போகிறது என ரசிகர்கள் கொண்டாடி வருகின்றனர்.