எத்தனை அரசியல் வாரிசுகள் வந்தாலும்..SAC-யோட வாரிசு கிட்ட நெருங்க முடியாது..போஸ்டரால் பரபரப்பு!

வாரிசு இசை வெளியீட்டு விழா

வாரிசு இசை வெளியீட்டு விழா நிகழ்ச்சி நேரு உள்விளையாட்டு அரங்கில் கோலாகலமாக நடைபெற்று வருகிறது. இதில், எஸ்.ஏ.சந்திரசேகர் மற்றும் அம்மா ஷோபா ஆகியோரை கைகொடுத்து விஜய் வரவேற்றார். தந்தை எஸ்.ஏ.சந்திரசேகருடன் விஜய் பேசிக்கொள்ளாத நிலையில், பெற்றோரை விஜய் வரவேற்றது ரசிகர்களிடையே நெகிழ்ச்சியை ஏற்படுத்தியது.

ஜொலித்தது அரங்கம்

இசை வெளியீட்டு விழாவிற்காக நேரு உள்விளையாட்டு அரங்கம் வண்ண விளக்குகளால் ஜொலித்தது. விளையாட்டு அரங்க வாசலில் விஜய் ரசிகர்கள் போஸ்டரை கையில் ஏந்தி தீ தளபதி என கோஷமிட்டனர். வெளியில் ரசிகர்கள் அலப்பறை கொடுக்க, அரங்கத்திற்குள் ரசிகர்கள் அனைவரும் ஒட்டுமொத்தமாக செல்போன் டார்ச் அடித்து ஃபிளாஷ் அடித்தனர். இது ரசிகர்களையும் வெகுவாக கவர்ந்தது.

மாஸ் எண்ட்ரி

நடிகர் விஜய் மேடைக்கு மாஸ் எண்ட்ரி கொடுத்தார். மேடையில் தோன்றிய விஜய்யை கைத்தட்டி , விசில் அடித்து ஆரவாரம் செய்து ரசிர்கள் வரவேற்றனர். அழகான சிரிப்புடன் மாஸாக விஜய் வந்த வீடியோ இணையத்தில் வைரலாகி உள்ளது. இந்த விழாவில், பிரகாஷ் ராஜ், பிரபு, சரத்குமார், கணேஷ் வெங்கட்ராமன், ஷாம், குஷ்பு, சங்கீதா என பலரும் கலந்து கொண்டனர்.

சர்ச்சைக்குரிய போஸ்டர்

இந்நிலையில், வாரிசு படத்தின் இசைவெளியீட் விழா கோலாகலமாக நடந்து கொண்டு இருக்க, மதுரையில் விஜய் ரசிகர் ஒட்டியுள்ள சர்ச்சைக்குரிய போஸ்டர் இணையத்தில் வெளியாகி உள்ளது. அதில், எத்தனை அரசியல் வாரிசுகள் வந்தாலும் SAC-யோட வாரிசு கிட்ட நெருங்க முடியாது என்று மதுரை முழுக்க போஸ்டரை ஒட்டி உள்ளனர். உதயநிதி ஸ்டாலின் உள்ளிட்டவர்களை தாக்கும் வகையில் உள்ளன இந்த போஸ்டர் சர்ச்சையை கிளப்பி உள்ளது.