Varisu Audio Launch Event LIVE: எனக்கு போட்டி நான் தான்.. ஆடியோ லாஞ்சில் விஜய் சொன்ன குட்டி ஸ்டோரி!

ரஞ்சிதமே பாடலை ஸ்டேஜில் பாடி ரசிகர்களை உற்சாகப்படுத்திய நடிகர் விஜய்.. வாரிசு இசை வெளியீட்டு விழா இனிதே நிறைவுற்றது.

அரசியல் பேச்சு இல்லை.. அஜித் படத்துக்கு வாழ்த்து இல்லை!

வாரிசு படத்தின் இசை வெளியீட்டு விழாவில் நடிகர் விஜய் அரசியல் ரீதியாக எதுவும் பேசவில்லை. மேலும், நடிகர் அஜித் நடிப்பில் பொங்கலுக்கு போட்டியாக வெளியாக உள்ள துணிவு படத்திற்கும் நடிகர் விஜய் எந்தவொரு வாழ்த்தும் சொல்லவில்லை என தகவல்கள் வெளியாகி உள்ளன.

விஜய்யின் செல்ஃபி வீடியோ!

வாரிசு இசை வெளியீட்டு விழாவில் நடிகர் விஜய் தனது ரசிகர்களுடன் எடுத்த செல்ஃபி வீடியோவை அங்கிருந்தே ட்வீட் போட்டுள்ளார். நிகழ்ச்சிக்கு வர முடியாத ரசிகர்களுக்கும் இன்ப அதிர்ச்சி கொடுத்துள்ளார் நடிகர் விஜய்.

விஜய் சொன்ன குட்டி ஸ்டோரி!

1990களில் ஒரு போட்டியாளர் என்னை நோக்கிப் பார்த்தார். அதன் பின்னர், நான் எங்கே போனாலும் என்னை பின் தொடர்ந்தார். நான் அவரை பார்த்து விட்டு அவரை விட முன்னேறணும்னு ஓடினேன். நமக்கு எப்போதுமே ஒரு போட்டியாளர் வேண்டும்.. அந்த போட்டியாளர் என்னுடன் போட்டி போட ஆரம்பிச்சது 1992ல அவர் பெயர் ஜோசப் விஜய்.. உங்களுக்கு நீங்க தான் காம்பெடிட்டர் நண்பா.. உங்களை நீங்க வெல்லணும்னு முயற்சி செய்யுங்க என நடிகர் விஜய் வாரிசு இசை வெளியீட்டு விழாவில் தன்னை பற்றிய சூப்பர் குட்டி ஸ்டோரி சொல்லி ரசிகர்களை உற்சாகத்தில் ஆழ்த்தி உள்ளார்.

தேவையான விமர்சனமும்.. தேவையற்ற எதிர்ப்பு தான் நம்மை முன்னே ஓட வைக்கும் - விஜய்

அன்பு தான் உலகத்தை ஜெயிக்கும் ஆயுதம்!

அன்பு தான் உலகத்தை ஜெயிக்கும் ஆயுதம் என வாரிசு இசை வெளியீட்டு விழாவில் நடிகர் விஜய் பேசி உள்ளார். நடிகர் விஜய் ஒவ்வொரு வார்த்தை பேசும் போதும் ரசிகர்கள் பலத்த ஆரவாரம் செய்து வருகின்றனர்.

ரஞ்சிதமே கிஸ்!

ரஞ்சிதமே ஸ்டைல் கிஸ் எனக்கு கிடைத்த சூப்பரான விஷயம். ரசிகர்களுக்கு இனிமேல் அப்படித்தான் என் அன்பை பரிமாற போகிறேன் என நடிகர் விஜய் பேசி உள்ளார். சமீபத்தில் பனையூரில் ரசிகர்களை சந்தித்த போதும் நடிகர் விஜய் ரசிகர்களை நோக்கி இதே போல ரஞ்சிதமே கிஸ்ஸை தான் கொடுத்தார்.

என்னை உருவாக்கிய உளிகளுக்கு என் நன்றிகளும் வணக்கங்களும் என நடிகர் விஜய் பேசி உள்ளார்.

என் நெஞ்சில் குடியிருக்கும்!

நடிகர் விஜய் ‘என் நெஞ்சில் குடியிருக்கும்’ என மைக்கை பிடித்துப் பேசி ரசிகர்களை பார்த்து கையெடுத்துக் கும்பிட்ட வீடியோக்களை டிரெண்ட் செய்து விஜய் ரசிகர்கள் கூஸ்பம்ப்ஸ் அடைந்துள்ளனர். விஜய் சொல்லப் போகும் குட்டி ஸ்டோரிக்காக ரசிகர்கள் வெறித்தனமாக வெயிட்டிங்!

குட்டி ஸ்டோரி டைம்!

2 ஆண்டுகள் கழித்து நடிகர் விஜய் என்ன பேசப் போகிறார் என்றும் என்ன குட்டி ஸ்டோரி சொல்லப் போகிறார் என்றும் விஜய் ரசிகர்கள் அந்த தருணத்திற்காக காத்திருக்கின்றனர். இன்னும் சில நிமிடங்களில் நடிகர் விஜய் பேச உள்ளார். முன்னதாக பேசிய இயக்குநர் வம்சி ரசிகர்களை இந்த பொங்கலுக்கு ஏமாற்ற மாட்டேன் என்ஜாய் பண்ணுவீங்க என பேசி உள்ளார்.

மானஸிக்கு மைக் கொடுத்த விஜய்!

ரஞ்சிதமே பாடல் பாடும் போது பின்னணி பாடகி மானஸ்வியின் மைக் வேலை செய்யவில்லை. உடனடியாக வேறு ஒரு மைக்கை எடுத்துக் கொடுக்க ஸ்டேஜ் ஏறினார் விஜய். அவரிடம் நன்றி தெரிவித்துக் கொண்டு மைக்கை வாங்கி மானஸி பாட்டு பாடினார். விஜய் சட்டென அப்படியொரு விஷயம் செய்ததை விஜய் ரசிகர்கள் பாராட்டி வருகின்றனர்.

இந்த பொங்கல் நம்முடையது தான் - தில் ராஜு பேச்சு!

வாரிசு திரைப்படம் ரீமேக் படமோ, சீக்வெல் படமோ கிடையாது. இது பக்காவான நேரடி தமிழ் படம். ஆட்டம், பாட்டம், சென்டிமென்ட், சண்டை என அனைத்தும் நிறைந்திருக்கும் படம் வாரிசு.. இந்த பொங்கல் நம்முடையது தான் என தயாரிப்பாளர் தில் ராஜு பேசியது ரசிகர்களை உற்சாகத்தில் ஆழ்த்தியது. நடிகர் விஜய்யை முதல் முதலில் சந்தித்தபோது அவரே காபி எடுத்துக் கொடுத்தார். மனிதனாகவே அவர் ஒரு சூப்பர்ஸ்டார் தான் எனக் குறிப்பிட்டார் தில் ராஜு.

வெற்றியின் வாரிசு!

வாரிசு ! வெற்றியின் வாரிசு! குதூகலத்தின் வாரிசு! கொண்டாட்டத்தின் வாரிசு! ஆடியோ வெளியீட்டு வைபவத்திற்கு ஆடியே அனுப்புகிறேன் வாழ்த்தாக!!! ரஞ்சிதமே- previous collection record-ஐ மிஞ்சிடுமே!!! என நடிகர் பார்த்திபன் தனது ட்விட்டர் பக்கத்தில் வீடியோ வெளியிட்டு வாழ்த்தி உள்ளார்.

கில்லி பட FDFS-ஐ எங்க அப்பாவோட பார்த்தேன் - ராஷ்மிகா!

நடிகர் விஜய்யின் தீவிரமான ரசிகை நான். அவர் நடிப்பில் வெளியான கில்லி படத்தின் FDFS-ஐ எங்க அப்பாவோட பார்த்தேன்.. அவருடன் நடிக்கணும் என்கிற எனது நெடுநாள் ஆசை இந்த படத்தை அவருக்காக மட்டும் தான் ஓகே சொன்னான். கில்லி படத்தை 20 முறைக்கு மேல் நான் பார்த்துள்ளேன். அவர் தான் என்னோட பெரிய கிரஷ் என நேஷனல் கிரஷ் நடிகை ராஷ்மிகா மந்தனா பேசி உள்ளார்.

சிம்பு யோசிக்கவே இல்லை!

வாரிசு படத்துக்காக ‘தீ தளபதி’ பாட்டு பாடணும்னு சிம்புவிடம் கேட்ட போது அவர் ஒரு நொடி கூட யோசிக்கவே இல்லை.. உடனடியாக அந்த பாடலை பாடிக் கொடுத்தார் என தமன் பேசியதும் அரங்கமே அதிர்ந்தது.

27 வருஷம் வெயிட் பண்ணேன் - தமன் எமோஷனல்!

நடிகர் விஜய்யின் வெறியன் நான்.. அவர் படத்துக்கு இசையமைக்க 27 வருஷம் வெயிட் பண்ணியிருக்கேன்.. வாரிசு படம் வேறலெவல்ல வந்திருக்கு.. அனிருத் ஒரு பாடலை பாடியுள்ளார். இரண்டு நாட்களுக்கு முன்பு தான் பதிவு செய்தோம் சீக்கிரம் வெளியாகும் என விழா நாயகன் தமன் ரொம்பவே எமோஷனலாக பேசியுள்ளார்.

விஜய் தான் இப்போ சூப்பர் ஸ்டார் - சரத்குமார்!

சூர்யவம்சம் படத்தின் 175வது நாள் விழாவில் பேசிய போது எதிர்காலத்தில் விஜய் தான் சூப்பர் ஸ்டாராக வருவர் என்றேன்; அது நிறைவேறி விட்டது. இப்போது விஜய் தான் சூப்பர் ஸ்டார்; அப்போ இதை நான் சொன்னபோது கருணாநிதி கூட ஆச்சர்யப்பட்டார் என வாரிசு இசை வெளியீட்டு விழாவில் நடிகர் சரத்குமார் பேசி உள்ளார்.

நான் விஜய்யின் ரசிகனாக மாறிவிட்டேன் - பிரகாஷ் ராஜ் பேச்சு!

”ஹாய் செல்லம் .. லவ்யூ.. ரொம்ப சந்தோஷமா இருக்கு.. நான் தளபதியோட 14 வருஷத்துக்கு அப்புறம் நடிக்கிறேன்.. முதல் நாள் ஷூட்டிங்கில் விஜய்யின் கண்ணுக்கு கண் பார்த்து பேச வேண்டும்.. ஷாட் முடிந்ததும் இந்த கண்ணை பார்த்து எவ்ளோ நாளாச்சுன்னு சொன்னார். அதே போல கடைசி நாள் ஷூட்டிங்கின் போது விஜய் நடிப்பை பார்த்து நிஜமாவே சொல்றேன் நான் விஜய் ரசிகனாக மாறிவிட்டேன் என நடிகர் பிரகாஷ் ராஜ் பேசியதும் ரசிகர்கள் ஐ லவ் யூ செல்லம் என கூச்சலிட்டனர்.

பிக் பாஸ் மாதிரி எடுக்கிறாரு வம்சி!

ஒரே ஒரு சீன் 7 நாள் 70 கேமரா வச்சு எடுக்கிறாரு டைரக்டர் வம்சி பிக் பாஸ் மாதிரி என வாரிசு படத்தில் நடித்துள்ள நடிகர் விடிவி கணேஷ் பேசியதும் ரசிகர்கள் சிரிப்பலை அரங்கத்தையே அதிரச் செய்தது. விஜய் எப்பவுமே எனக்கு 5 நிமிஷம் முன்னாடியே செட்டுக்கு வந்து விடுவார் செம punctual என்றும் பாராட்டி உள்ளார்.

எங்கே சென்றாலும் அரசன் தான்!

இந்த ஒரு போட்டோ போதும் நடிகர் விஜய்யின் ஸ்டார்டம்மை காட்ட.. எங்கே சென்றாலும் அரசன் தான் என இந்த ரசிகர் வாரிசு பட இசை வெளியீட்டு விழாவுக்கு விஜய் வருகை தந்து ரசிகர்களை பார்த்து கை அசைத்தபோது ரசிகர்கள் உற்சாகத்தில் கத்திய புகைப்படத்தை வெளியிட்டு ட்வீட் போட்டுள்ளார்.

இது திருப்பி கொடுக்கும் டைமு மாமே!

வாரிசு படத்தின் ஒவ்வொரு பாடலாக மேடையில் அரங்கேறி வருகின்றன. வாரிசு படத்தின் செகண்ட் சிங்கிளான சிம்பு பாடிய ’தீ தளபதி’ பாடலுக்கு நடன கலைஞர்கள் மேடையில் நடனம் ஆட ஒட்டுமொத்த விஜய் ரசிகர்களும் விசிலடித்து ஆரவாரம் செய்தனர்.

அம்மா பாடலை கேட்டு என்ஜாய் பண்ண விஜய்!

வாரிசு படத்தின் 3வது சிங்கிளாக ரிலீஸான ‘Soul of Varisu' ஆராரிராரிரோ கேட்குதம்மா எனும் அம்மா பாடலை பாடகர்கள் மேடையில் பாடிய நிலையில், நடிகர் விஜய் அதை ரசித்து கேட்டுள்ளார்.

80 கோடி பட்ஜெட்!

வாரிசு படத்தின் பட்ஜெட் முதலில் 60 கோடியாகத்தான் இருந்தது. ஆனால், படம் முடியப் போகும் போது 80 கோடி பட்ஜெட்டாக மாறி விட்டது. ஆனாலும், தயாரிப்பாளர் தில் ராஜு அதை பெரிதுபடுத்தவில்லை. இந்த படத்தில் பிரகாஷ் ராஜ் தான் வில்லன் என நடிகர் ஷாம் ஏகப்பட்ட வாரிசு படத்தின் ரகசியங்களை புட்டுப் புட்டு வைத்துள்ளார்.

குட் ட்ரை நண்பர் விஜய்!

நண்பர் அஜித் போலவே மாஸ்டர் இசை வெளியீட்டு விழாவுக்கு கோட் அணிந்து வந்த நடிகர் விஜய் துணிவு படத்தின் காசேதான் கடவுளடா பாடலில் அஜித் அணிந்திருக்கும் சட்டையை போலவே அணிந்து வந்துள்ளார் என அஜித் ரசிகர்கள் ட்ரோல் செய்து வருகின்றனர்.

ஜிமிக்கி பொண்ணு அடுத்த பாடல் ரிலீஸ்!

வாரிசு இசை வெளியீட்டு விழாவில் 4வது சிங்கிளாக வா தலைவா பாடல் பாடப்பட்ட நிலையில், தமன் மற்றும் ஜோனிடா காந்தி இணைந்து வாரிசு படத்தின் 5வது பாடலான ஜிமிக்கி பொண்ணு பாடலை பாடி ஆடி ரசிகர்களை உற்சாகத்தில் ஆழ்த்தி உள்ளனர்.

ரஞ்சிதமே பாட்டுக்கு ஆடிய ராஷ்மிகா!

வாரிசு இசை வெளியீட்டு விழாவுக்கு சேலை கட்டி வந்த நடிகை ராஷ்மிகா மந்தனா, ரஞ்சிதமே பாடலுக்கு நடன இயக்குநர் ஜானி மாஸ்டர் உடன் இணைந்து ஸ்டேஜில் நடனமாடி விஜய் ரசிகர்களை உற்சாகப்படுத்தினார்.

ஒரு நிமிடம் 20 நொடிகள் நான் ஸ்டாப் சிங்கிள் ஷாட் டான்ஸ்!

தனது ரசிகர்களுக்காக ரஞ்சிதமே பாடலின் கடைசியில் வரும் அந்த ஃபாஸ்ட் பீட் பாடலுக்கு ஒரு நிமிடம் 20 நொடிகள் நான் ஸ்டாப்பாக அதுவும் சிங்கிள் ஷாட்டில் நடிகர் விஜய் நடனமாடி உள்ளார் என நடன இயக்குநர் ஜானி மாஸ்டர் இசை வெளியீட்டு விழாவில் பேசி உள்ளார். ரஞ்சிதமே பாடல் தியேட்டர்களில் சும்மா தீயாய் இருக்கப் போகுது என ரசிகர்கள் கொண்டாட்டம்.

விஜய் என்ட்ரிக்கு பிரம்மாண்ட ஏற்பாடு!

இதுவரை இல்லாத அளவுக்கு வாரிசு இசை வெளியிட்டு விழாவில் நடிகர் விஜய்யின் என்ட்ரிக்கு ஏகப்பட்ட ஏற்பாடுகள் நேரு உள்விளையாட்டு அரங்கில் ஏற்பாடு செய்யப்பட்டிருந்தன. ஜிகினா பேப்பர்கள் வெடித்து நடிகர் விஜய் மீது கொட்ட கையை கட்டிக் கொண்டு ரசிகர்களின் அன்பை ஏற்றுக் கொண்ட விஜய்யின் வீடியோ டிரெண்டாகி வருகிறது.

சேலையில் சொக்க வைத்த ரஞ்சிதம்!

வாரிசு படத்தின் நாயகி ராஷ்மிகா மந்தனா செம க்யூட்டாக சேலை அணிந்து கொண்டு இசை வெளியீட்டு விழாவில் அமைக்கப்பட்ட ரெட் கார்ப்பெட்டில் அழகாக போஸ் கொடுத்த புகைப்படத்தை படக்குழு வெளியிட்டுள்ளது. விஜய்யை பற்றி நம்ம ரஞ்சிதம் ராஷ்மிகா மந்தனா என்ன பேசப் போறாங்கன்னு கேட்கவும் ரசிகர்கள் வெயிட்டிங்!

வா தலைவா - வாரிசு படத்தின் இன்ட்ரோ பாடல்!

வாரிசு படத்தின் இன்ட்ரோ பாடலாக “வா தலைவா” என்கிற பாடல் இடம்பெற்றுள்ளதாக தகவல்கள் வெளியாகி உள்ளன. டிரம்ஸ் சிவமணி இசையில் ஒரு வித்தியாசமான ஹெவி பீட்ஸ் கொண்ட மெலோடி பாடலை நடிகர் விஜய்க்காக இசையமைப்பாளர் தமன் உருவாக்கி உள்ளார்.

பூப்போட்ட கோட் சூட்டில் சரத்குமார்!

வாரிசு படத்தில் வித்தியாசமான ரோலில் நடித்துள்ள நடிகர் சரத்குமார் பூ டிசைன் போட்ட க்யூட்டான கோட் சூட் அணிந்து இசை வெளியீட்டு விழாவுக்கு வருகை தந்துள்ளார்.

முறைத்துப் பார்க்கும் முத்துபாண்டி!

விஜய்யின் வாரிசு படத்தில் முக்கிய கதாபாத்திரத்தில் நடித்துள்ள நடிகர் பிரகாஷ் ராஜ் இசை வெளியீட்டு விழாவுக்கு வருகை தந்து இருக்கையில் அமர்ந்திருக்கும் புகைப்படத்தை தயாரிப்பு நிறுவனம் வெளியிட்டுள்ளது. அப்படி யாரை முறைத்துப் பார்க்கிறார் முத்துப்பாண்டி என ரசிகர்கள் கமெண்ட் செய்து வருகின்றனர்.

செம சந்தோஷத்தில் ஷாம்!

வாரிசு படத்தில் முக்கிய கதாபாத்திரத்தில் நடித்துள்ள நடிகர் ஷாம் கோட் சூட் அணிந்து செம சந்தோஷத்தில் முன் வரிசையில் அமர்ந்திருக்கும் புகைப்படம் வெளியாகி உள்ளது.

ப்பா.. என்னவொரு ஸ்மைல்!

ரசிகர்கள் அருகிலேயே நடந்து வந்து அனைவரையும் பார்த்து கையசைத்து புன்னகை புரிந்து நடிகர் விஜய் வணக்கம் வைத்த வீடியோக்கள் வெளியாகி உள்ளன. நேரு ஸ்டேடியத்திற்கு சென்ற ரசிகர்கள் அனைவரும் விஜய்யை மிக அருகில் கண்டு ரசித்த நிலையில், அந்த வீடியோக்களை பதிவிட்டு வருகின்றனர்.

ரசிகர்களை உற்சாகப்படுத்திய விஜய்

நடிகர் விஜய் அரங்கினுள் நுழைந்த நிலையில் ஆரவாரம் செய்த ரசிகர்களை பார்த்து இரு கைகளையும் அசைத்து அவர்களுக்கு வணக்கம் வைத்து உற்சாகப்படுத்திய வீடியோக்கள் விஜய் ரசிகர்களை உற்சாகத்தில் ஆழ்த்தியுள்ளன. நிகழ்ச்சிக்கு செல்ல முடியாத ரசிகர்களும் சமூக வலைதளங்களில் விஜய்யை கண்டு ரசித்து வருகின்றனர்.

ராஜு பாய், ரம்யா!

வாரிசு இசை வெளியீட்டு விழாவை பிக் பாஸ் டைட்டில் வின்னர் ராஜு ஜெயமோகன் மற்றும் விஜே ரம்யா தொகுத்து வழங்க ஆரம்பித்துள்ளனர். வாரிசு படக்குழுவினர் அனைவரும் விழா மேடைக்கு வருகை தந்துள்ள நிலையில், நிகழ்ச்சி தொடங்கி உள்ளது.

பாஸ் என்ட்ரி!

வாரிசு இசை வெளியீட்டு விழா நிகழ்ச்சிக்கு நடிகர் விஜய் செம கூலாக என்ட்ரி கொடுத்த பிரத்யேக புகைப்படம் டிரெண்டாகி வருகிறது. அரங்கமே அதிரும் அளவுக்கு விஜய் ரசிகர்கள் விசிலடித்து ஆரவாரம் செய்தனர்.

தூள் கிளப்பிய விஜய் என்ட்ரி!

வாரிசு இசை வெளியீட்டு விழா அரங்கத்திற்குள் நடிகர் விஜய் என்ட்ரி கொடுத்த காட்சிகள் ரசிகர்களை உற்சாக வெள்ளத்தில் ஆழ்த்தியது. ரசிகர்களுக்கு கையசைத்த வண்ணம் நடிகர் விஜய் ஸ்டேஜ் ஏறும் காட்சிகள் டிரெண்டாகி வருகின்றன.

தெறிக்கும் ட்ரோல் மீம்கள்!

கொஞ்ச நேரம் அடி வாங்கட்டும் சார்.. அப்ப தான் என்னால ஸ்டேஜ்ல ஏறி என் போட்டோவ உடைங்க, என் பேனரை கிழிங்க, ஆனா என் ரசிகர் மேல கை வைக்காதிங்க Punch Dialogue பேச முடியும்.. என ட்ரோல் மீம்களை போட்டு #அய்யோஅம்மாஆடியோலாஞ்ச் ஹாஷ்டேக்கை அஜித் ரசிகர்கள் டிரெண்ட் செய்து வருகின்றனர்.

பிக் பாஸ் பிரபலம் கணேஷ் வெங்கட் ராம் வருகை!

நடிகரும் பிக் பாஸ் பிரபலமுமான கணேஷ் வெங்கட்ராம் வாரிசு படத்தின் இசை வெளியீட்டு விழாவுக்காக அமைக்கப்பட்ட ரெட் கார்ப்பெட்டில் செம ஸ்டைலாக போஸ் கொடுத்துள்ள புகைப்படம்.

ரசிகர்கள் ஒளி வெள்ளத்தில் விஜய்!

நேரு உள்விளையாட்டு அரங்கில் நடைபெற்று வரும் வாரிசு இசை வெளியீட்டு விழாவில் நடிகர் விஜய்யை பார்த்த ரசிகர்கள் செல்போன் டார்ச் அடித்து அரங்கையே அதிர செய்த வீடியோ டிரெண்டாகி வருகிறது.

வாரிசு படத்தில் ’தீ தளபதி’ உள்ளிட்ட பாடல்களை எழுதிய பாடலாசிரியர் விவேக் வாரிசு இசை வெளியீட்டு விழாவில் கலந்து கொண்ட போது எடுத்த புகைப்படம் வெளியாகி உள்ளது.

குடும்பத்துடன் வாரிசு பட ஒளிப்பதிவாளர்!

விஜய்யின் வாரிசு பட ஒளிப்பதிவாளர் கார்த்திக் பழனி தனது மனைவி மற்றும் குழந்தையுடன் வாரிசு இசை வெளியீட்டு விழாவில் பங்கேற்ற புகைப்படத்தை தயாரிப்பு நிறுவனம் வெளியிட்டுள்ளது.

விஜய் பேனர் கிழிப்பு!

நேரு ஸ்டேடியத்தில் போலீஸாருக்கும் ரசிகர்களுக்கும் இடையே ஏற்பட்ட தள்ளு முள்ளு காரணமாக வாரிசு இசை வெளியீட்டு விழாவை காண முடியாத விரக்தியில் சில ரசிகர்கள் விஜய் பேனரை கிழித்து விட்ட காட்சிகள் டிரெண்டாகி வருகின்றன.

சோபி மாஸ்டர், டிரம்ஸ் சிவமணி பங்கேற்பு!

நடிகர் விஜய் நடிப்பில் உருவாகி உள்ள வாரிசு படத்தின் இசை வெளியீட்டு விழாவுக்கு பிரபல நடன இயக்குநர் சோபி மாஸ்டர் மற்றும் டிரம்ஸ் சிவமணி உள்ளிட்ட பிரபலங்கள் பங்கேற்றுள்ளனர்.

ரஞ்சிதமே ராஜ்ஜியம்!

வாரிசு இசை வெளியீட்டு விழா சற்று முன் தொடங்கிய நிலையில், தமன் இசையில் நடிகர் விஜய் பாடி ஆடிய ரஞ்சிதமே பாடல் நேரு உள்விளையாட்டு அரங்கில் ஒலிபரப்பாகி வருகிறது. டிஜே இசையில் அந்த பாட்டு இசைக்கப்பட்டு வரும் நிலையில், விஜய் ரசிகர்கள் ஆட்டம் போட்டு வருகின்றனர்.

பாடகர் சங்கர் மகாதேவன் வருகை!

பிரபல பின்னணி பாடகர் சங்கர் மகாதேவன் வாரிசு படத்தின் இசை வெளியீட்டு விழா நிகழ்ச்சிக்கு வருகை தந்துள்ளார் என தயாரிப்பு நிறுவனமான ஸ்ரீவெங்கடேஸ்வரா க்ரியேஷன்ஸ் போட்டோவுடன் ட்வீட் போட்டு அவரை வரவேற்றுள்ளது.

வாரிசு சர்ச்சை போஸ்டர்

எத்தனை அரசியல் வாரிசுகள் வந்தாலும் SAC-யோட வாரிசு கிட்ட நெருங்க முடியாது எனும் போஸ்டரை வாரிசு இசை வெளியீட்டு விழாவை முன்னிட்டு மதுரை விஜய் ரசிகர்கள் ஒட்டியுள்ளது சர்ச்சையை கிளப்பி உள்ளது.

மீம் போட்டு கலாய்க்கும் அஜித் ரசிகர்கள்!

வாரிசு படத்தின் இசை வெளியீட்டு விழாவுக்கு செல்லும் விஜய் ரசிகர்களின் expectation vs reality என மீம்ஸ் போட்டு அஜித் ரசிகர்கள் ட்ரோல் செய்து வருகின்றனர்.

டிக்கெட் இருந்தும் சிறுவனுக்கு அனுமதி இல்லை

வாரிசு இசை வெளியீட்டு விழாவை காண டிக்கெட் உடன் வந்த ஒரு சிறுவனையும் போலீஸார் விரட்டி அடிக்கும் காட்சி டிரெண்டாகி வருகிறது.

அய்யோஅம்மாஆடியோலாஞ்ச்

வாரிசு இசை வெளியீட்டு விழா ஹாஷ்டேக்குகள் காலை முதலே டிரெண்ட் ஆகி வந்த நிலையில், தற்போது அஜித் ரசிகர்கள் #அய்யோஅம்மாஆடியோலாஞ்ச் எனும் நெகட்டிவ் ஹாஷ்டேக்கை போட்டு விஜய் ரசிகர்கள் தடியடி வாங்குவதை ட்ரோல் செய்து வருகின்றனர்.

கண்ணை பறிக்குதே!

வாரிசு இசை வெளியீட்டு விழா நிகழ்ச்சி நடைபெற்று வரும் நேரு உள்விளையாட்டு அரங்கில் கூடிய ரசிகர்கள் அனைவரும் ஒட்டுமொத்தமாக செல்போன் டார்ச் அடித்து ‘ஃபிளாஷ் மாப்’ செய்தது அனைத்து ரசிகர்களையும் வெகுவாக கவர்ந்துள்ளது.

விஜய்யின் அம்மா, அப்பா வருகை வீடியோ!

நடிகர் விஜய்யின் அம்மா ஷோபா மற்றும் அப்பா எஸ்.ஏ. சந்திரசேகர் நிகழ்ச்சி அரங்கிற்குள் மாஸாக நடந்து வரும் வீடியோவும் ரசிகர்கள் ஆரவார சத்தமும் காதை கிழிக்கின்றது.

தாறுமாறு ஸ்பாட் லைட்!

நடிகர் விஜய் வாரிசு இசை வெளியீட்டு விழாவில் பேச உள்ள பிரத்யேகமாக ஸ்பாட் லைட் ஒன்று வைக்கப்பட்டு இருக்கும் புகைப்படங்கள் சோஷியல் மீடியாவில் அதிகம் ஷேர் செய்யப்பட்டு வருகின்றன.

உச்சத்தில் வாரிசு பேனர்!

நேரு உள்விளையாட்டு அரங்கின் உச்சத்தில் சில விஜய் ரசிகர்கள் விஜய்யின் வாரிசு பேனரை கட்டும் காட்சிகள் ரசிகர்களை கூஸ்பம்ப்ஸ் ஆக்கி உள்ளன.

மாஃபியா பிரசென்ட் சார்!

நடிகர் விஜய்யின் மாஃபியா என விமர்சகர் பிரசாந்த் ரங்கசாமி தனது ட்விட்டர் பக்கத்தில் ஆன்லைன் டிராக்கர்களுடன் இருக்கும் புகைப்படத்தை ஷேர் செய்துள்ளார். இசை வெளியீட்டு விழாவில் நடிகர் விஜய்யின் பேச்சுக்காக அனைவரும் வெயிட்டிங்..

டிக்கெட் வாங்காமல் முண்டியடித்த ரசிகர்கள்

நடிகர் விஜய்யின் ரசிகர்கள் வாரிசு இசை வெளியீட்டு விழாவுக்கான டிக்கெட் வாங்காமல் முண்டியடித்துக் கொண்டு நேரு உள்விளையாட்டு அரங்கிற்குள் ஓடி வரும் காட்சிகள் அதிர்ச்சியை ஏற்படுத்தி உள்ளன. அந்த இடமே ஒரு போர்க்களம் போல மாறி உள்ளது.

விஜய்யின் இளம் வயது புகைப்படங்கள்!

வாரிசு இசை வெளியீட்டு விழா அரங்கில் நடிகர் விஜய்யின் இளம் வயது புகைப்படங்கள் முதல் சமீபத்திய புகைப்படங்கள் வரை டிஜிட்டல் ஸ்க்ரீனில் ஒளிபரப்பு செய்யப்பட்டு ரசிகர்களை கொண்டாட்டத்தில் ஆழ்த்தியது.

ரசிகர்கள் தள்ளுமுள்ளு.. போலீஸாருக்கு காயம்

வாரிசு இசை வெளியீட்டு விழா நேரு உள்விளையாட்டு அரங்கில் நடைபெற்று வரும் நிலையில், டிக்கெட் இல்லாமல் உள்ளே நுழைய முயன்ற விஜய் ரசிகர்களை தடுக்க முயன்ற போலீஸாருக்கு காயம் ஏற்பட்டுள்ளதாக தகவல்கள் வலம் வருகின்றன.

லோகேஷ் கனகராஜ், அனிருத் பங்கேற்பு!

தளபதி 67 படத்தை இயக்கவுள்ள இயக்குநர் லோகேஷ் கனகராஜ் மற்றும் இசையமைப்பாளர் அனிருத் வாரிசு இசை வெளியீட்டு விழாவில் பங்கேற்றுள்ளனர். இருவரும் ஒன்றாக அமர்ந்திருக்கும் புகைப்படம் டிரெண்டாகி வருகிறது. தளபதி 67 படம் குறித்த அறிவிப்பு நிச்சயம் இன்றைய நிகழ்ச்சியில் பேசப்படும் என எதிர்பார்க்கப்படுகிறது.

விஜய் அப்பா, அம்மா பங்கேற்பு

நடிகர் விஜய்யின் அப்பா இயக்குநர் எஸ். ஏ. சந்திரசேகர் மற்றும் அம்மா சோபா சந்திரசேகர் இருவரும் வாரிசு இசை வெளியீட்டு விழாவுக்கு வருகை. மாஸ்டர் இசை வெளியீட்டு விழாவிலும் இருவரும் பங்கேற்றது குறிப்பிடத்தக்கது. நடிகர் விஜய்க்கும் அவரது அப்பா அம்மாவுக்கும் இடையே பிரச்சனை என புகைந்த சர்ச்சைகளுக்கு முற்றுப்புள்ளி வைத்துள்ளனர்.

நம்பர் ஒன்

தயாரிப்பாளர் தில் ராஜு அரங்கில் நுழைந்ததும் 'நம்பர் 1. நம்பர் 1' என ஆர்ப்பரித்த ரசிகர்கள். தமிழ்நாட்டில் விஜய்தான் நம்பர் 1 என்று இவர் சமீபத்தில் கூறினார் என விமர்சகர் ப்ளூ சட்டை மாறன் ட்வீட்!

ரசிகர்கள் விரட்டியடிப்பு

நேரு ஸ்டேடியத்திற்குள் நுழைய முயன்ற விஜய் ரசிகர்களை போலீஸார் விரட்டியடித்து கேட்டை இழுத்துப் பூட்டியுள்ள வீடியோ ரசிகர்களை அதிர்ச்சியில் ஆழ்த்தி உள்ளது.

வாரிசு இசை வெளியீட்டு விழா நேரு உள்விளையாட்டு அரங்கில் கோலாகலமாக தொடங்கியது; நடிகர் விஜய் விழா மேடைக்கு வந்ததும் ரசிகர்கள் ஆரவாரம்!

ரசிகர்கள் ஆரவாரம்

நடிகர் விஜய் வெள்ளை சட்டை அணிந்து கொண்டு வாரிசு இசை வெளியீட்டு விழாவுக்கு சற்று முன் வருகை தந்த நிலையில், ஒட்டுமொத்த அரங்கமே அதிரும் அளவுக்கு விஜய் ரசிகர்கள் தளபதி விஜய் என்றும் தீ தளபதி என்றும் கோஷமிட்டு நடிகர் விஜய்யை வரவேற்றனர்.