Don't Miss!
- Lifestyle World Liver Day 2024: இந்த பழக்கங்கள் இருந்தா உடனே கைவிடுங்க.. இல்லன்னா கல்லீரல் சீக்கிரம் செயலிழந்துவிடும்..
- Technology ஏப்.22-24.. அடுத்த வாரம் அமோக வாரம்.. விற்பனைக்கு வரும் 3 புது 5G போன்கள்.. எல்லாமே ரூ.15,000.. எதை வாங்கலாம்?
- Sports ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர்
- Automobiles ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
- News நிருபர் கேட்டாரே ஒரு கேள்வி.. வாயை கொடுத்து சிக்கிக் கொண்ட ராதிகா சரத்குமார்
- Finance விப்ரோ லாபத்தில் 8% வீழ்ச்சி.. ஷாக் கொடுத்த மார்ச் காலாண்டு முடிவுகள்..!!
- Travel இங்க போறது கொஞ்ச கஷ்டம் தான் – ஆனா வொர்த்! அப்படி ஒரு இயற்கை அழகுகுங்க
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ஆட்டநாயகன் விஜய்.. 7 நாட்களில் 210 கோடி ரூபாய்.. வாரிசு அதிகாரப்பூர்வ வசூல்.. ரசிகர்கள் செம ஹாப்பி!
சென்னை: நடிகர் விஜய் நடிப்பில் ஜனவரி 11ம் தேதி வெளியான வாரிசு திரைப்படம் 7 நாட்களில் 210 கோடி ரூபாய் உலகளவில் வசூல் செய்துள்ளதாக தயாரிப்பு நிறுவனம் அதிகாரப்பூர்வ அறிவிப்பை வெளியிட்டுள்ளது.
ஸ்ரீவெங்கடேஷ்வரா கிரியேஷன்ஸ் சார்பில் தில் ராஜு தயாரித்த வாரிசு படத்தை தெலுங்கு இயக்குநரான வம்சி பைடிப்பள்ளி இயக்கினார்.
நடிகர் விஜய், ராஷ்மிகா மந்தனா, ஷாம், பிரகாஷ் ராஜ், சரத்குமார், ஜெயசுதா, யோகி பாபு உள்ளிட்ட பலர் நடித்த இந்த திரைப்படம் பொங்கல் பண்டிகையை முன்னிட்டு வெளியானது.
ஷூட்டிங்கில் விஜய் ஆண்டனிக்கு முகத்தில் காயம்.. பற்கள் உடைந்தன.. ஆபத்தான கட்டத்தை கடந்தார்!
அதிகாரப்பூர்வ அறிவிப்பு
நடிகர் விஜய்யின் முந்தைய படங்களின் வசூல் எல்லாம் தயாரிப்பு நிறுவனம் அதிகாரப்பூர்வமாக அறிவிக்கவில்லை. விஜய்யின் பிசினஸ் வெறும் 187 கோடி ரூபாய் மட்டுமே என சொல்லப்பட்டு வந்த நிலையில், வாரிசு படத்தின் வசூலை தயாரிப்பாளர் தில் ராஜு செம தில்லாக தற்போது அறிவித்து விஜய் ரசிகர்களை சந்தோஷத்தில் ஆழ்த்தி உள்ளார்.
210 கோடி
வாரிசு திரைப்படம் ஜனவரி 7ம் தேதி வெளியான நிலையில், பொங்கல் விடுமுறையை டார்கெட் செய்து 7 நாட்களும் வெளியிட்ட திரையரங்குகளில் எல்லாம் ஹவுஸ்ஃபுல் காட்சிகளாகவும், எக்ஸ்ட்ரா காட்சிகள் அதிகரிக்கப்பட்டும் குடும்பம் குடும்பமாக ரசிகர்கள் தியேட்டருக்கு படையெடுத்து வந்து பார்த்ததில் வெறும் 7 நாட்களில் வாரிசு திரைப்படம் அதிகபட்சமாக உலகளவில் 210 கோடி ரூபாய் வசூலை அள்ளி உள்ளதாக தயாரிப்பு தரப்பு அதிகாரப்பூர்வ அறிவிப்பை வெளியிட்டுள்ளது.
நெகட்டிவ் விமர்சனங்கள்
வாரிசு திரைப்படம் சீரியல் போல உள்ளதாக ப்ளூ சட்டை மாறன் உள்ளிட்ட விமர்சகர்கள் கடுமையாக விமர்சித்தனர். அஜித் ரசிகர்கள் வாரிசு படத்தை ட்ரோல் செய்து ஏகப்பட்ட மீம்களை வெளியிட்டனர். அத்தனை தடைகளையும் தாண்டி விஜய் எனும் ஒன் மேன் ஆர்மிக்காக அவரது ரசிகர்கள் இந்த படத்தை பெரிய வெற்றியடைய செய்துள்ளனர் என இண்டஸ்ட்ரியில் பெரிய பேச்சுக்கள் கிளம்பி உள்ளன.
துணிவு வசூல் வருமா
அஜித்தின் துணிவு திரைப்படம் விஜய்யின் வாரிசு படத்துடன் நேருக்கு நேர் மோதிய நிலையில், யார் வசூல் மன்னன் என்பதை பார்த்து விடலாம் என இரு நடிகர்களும் இந்த முறை முடிவு பண்ணி மோதினர். வாரிசு படத்தின் அதிகாரப்பூர்வ வசூல் வெளியாகுமா என கேள்விகள் கிளம்பி உள்ளன. இந்த பொங்கல் விடுமுறைக்கு அஜித்தின் துணிவு திரைப்படமும் திரையிட்ட திரையரங்குகள் முழுவதும் நன்றாகவே ஓடி வருவதாக கூறப்பட்ட நிலையில், விரைவில் போனி கபூர் அதிகாரப்பூர்வ வசூலை சொல்வார் என எதிர்பார்க்கப்படுகிறது.
300 கோடி
வாரிசு திரைப்படம் ஃபேமிலி எண்டர்டெயின்மென்ட் படமாக இந்த பொங்கலுக்கு வெளியாகி உள்ள நிலையில், இதுவரை 7 நாட்களில் 210 கோடி ரூபாய் வசூலை அள்ளி உள்ளது. புதன் மற்றும் வியாழக்கிழமை சற்று சரிவை சந்தித்தாலும் மீண்டும் வெள்ளி, சனி, ஞாயிறுகளில் படத்தின் வசூல் அதிகரிக்கும் என எதிர்பார்க்கப்படுகிறது. மேலும், பெரிய நடிகர்கள் படங்கள் ஏதும் வராத நிலையில், குடியரசு தின விடுமுறை உள்ளிட்டவை உள்ள நிலையில், அடுத்து 300 கோடி வசூலை வாரிசு நெருங்கும் என சினிமா டிராக்கர்கள் தெரிவித்துள்ளனர்.