வர்மா நடிகை 'அப்படியா'ன்னு கேட்டபோது பயந்தது மாதிரியே நடந்துவிட்டது

மேகா

மேற்கு வங்க மாநிலத்தை சேர்ந்த மேகா சவுத்ரிக்கு வர்மா தான் முதல் தமிழ் படம். அந்த படம் கைவிடப்பட்டதே அவருக்கு தெரியாதாம். விபரம் தெரிந்தவர்கள் அவரை தொடர்பு கொண்டு கேட்டபோது அப்படியா என்று அதிர்ச்சி அடைந்துள்ளார். அப்பொழுதே அடுத்து என்ன நடக்கும் என்பது தெரிந்துவிட்டது.

வர்மா

வர்மா படத்தில் த்ருவ் விக்ரம் தான் ஹீரோ. ஆனால் இம்முறை ஹீரோயின் மேகா சவுத்ரி இல்லை. மாறாக பாலிவுட் நடிகை பனிடா சந்து நடிக்கிறார். படம் கைவிடப்பட்ட செய்தியை மேகாவுக்கு தெரிவிக்காதபோதே மீண்டும் எடுக்கப்படும் படத்தில் அவர் இருக்க மாட்டார் என்ற பேச்சு கிளம்பியது. தற்போது அது தான் நடந்துள்ளது.

ராசி

வர்மா படத்தில் மேகா சவுத்ரியை ஒப்பந்தம் செய்தபோதே அவர் த்ருவுக்கு அக்கா போன்று இருக்கிறார் என்ற விமர்சனம் எழுந்தது. ட்ரெய்லரை பார்த்தவர்களும் அவர் நடிப்பால் திருப்தி அடையவில்லை. இந்நிலையில் அவர் படத்தில் இருந்து நீக்கப்பட்டுள்ளார்.

ராசி

முதல் படத்தில் இருந்து மேகா சவுத்ரி நீக்கப்பட்டுள்ளதால் அவர் ராசியில்லாத நடிகை என்ற பெயரை சுமக்க வேண்டி இருக்கும். அந்த ராசியில்லாத நடிகை என்ற இமேஜில் இருந்து அவர் வெளியே வந்துவிட்டால் வெற்றி தான்.