வருணின் மிரட்டலான ஜோஸ்வா டிரைலர்...பிக்பாஸ் மேடையில் வெளியிட்ட கமல் !

கொரோனாவால் தாமதம்

2020 ம் ஆண்டின் இறுதியில் ரிலீஸ் செய்ய திட்டமிடப்பட்ட இந்த படம் கொரோனா காரணமாக நிறுத்தி வைக்கப்பட்டது. இந்த படத்தின் கார் ஃபைட், சேஷிங் காட்சிகள் ஆகியவற்றை அமெரிக்கா மற்றும் ஐரோப்பாவில் படமாக்கினர். இந்த படத்தை விரைவில் தியேட்டரில் ரிலீஸ் செய்ய திட்டமிடப்பட்டுள்ளது.

விக்னேஷ் சிவன் எழுதிய பாடல்

ஜோஸ்வா படத்தின் ஃபஸ்ட் சிங்கிளாக விக்னேஷ் சிவன் எழுதிய ஹே லவ் பாடல் 2020 ம் ஆண்டு பிப்ரவரி மாதம் வெளியிடப்பட்டது. செகண்ட் சிங்கிள் 2020 ம் ஆண்டு ஜுலை மாதம் வெளியிடப்பட்ட நிலையில்,மூன்றாவது சிங்கிள் சமீபத்தில் டிசம்பர் 11 ம் தேதி ரிலீஸ் செய்யப்பட்டது.

டிரைலர் ரிலீஸ்

தற்போது ஹீரோ வருண் பிக்பாஸ் நிகழ்ச்சியில் கலந்து கொண்டுள்ளதால் படத்தின் டிரைலரை, கமலை வைத்து, பிக்பாஸ் நிகழ்ச்சியிலேயே வெளியிட படக்குழு திட்டமிட்டிருந்ததாக சமீபத்தில் கூறப்பட்டது. ஆனால் அந்த தகவல் உறுதி செய்யப்படாமல் இருந்த நிலையில், இன்று வருண் வெளியேறுவதால், ஜோஸ்வா படத்தின் டிரைலரை கமலை வைத்து வெளியிட்டுள்ளனர்.

அசந்து போன ஹவுஸ்மேட்ஸ்

அதிரடி, ஆக்ஷன், லவ் நிறைந்த இந்த டிரைலர் மற்ற போட்டியாளர்களுக்கும், பார்வையாளர்களுக்கும் போட்டு காண்பிக்கப்பட்டது. இதுவரை பிக்பாஸ் வீட்டிற்குள் ஜோஸ்வா படம் பற்றிய வருண் அதிகம் சொல்லாமல் இருந்ததால், இந்த டிரைலரை பார்த்து போட்டியாளர்கள் அனைவரும் ஆச்சரியப்பட்டனர். நீயாடா இது என வருணை ஆச்சரியமாக கேட்டனர்.

கேக்கிலும் ஜோஸ்வா

இரண்டு நாட்களுக்கு முன் பிக்பாஸ் வீட்டில் வருணின் பிறந்தநாளுக்காக கேக் அனுப்பி வைக்கப்பட்டது. அதன் மீது ஜோஸ்வா பட ஸ்டில் உடன் ஜோஸ்வா வருண் என குறிப்பிடப்பட்டிருந்தது. ஆனால் படத்தின் டிரைலரே இந்த அளவிற்கு மிரட்டலாக இருக்கும் என யாரும் எதிர்பார்க்கவில்லை.