சக்க போடு போடு ராஜா, வேலைக்காரனில் எது பெஸ்ட்: சந்தானம் சொல்வதை கேளுங்கோ

வேலைக்காரன்

சக்க போடு போடு ராஜா, வேலைக்காரன் ஆகிய இரண்டு படங்களும் ஒரே நேரத்தில் ரிலீஸாகியுள்ளதே தவிர யாருக்கும், யாரும் போட்டி கிடையாது என்றார் சந்தானம்.

சிவகார்த்திகேயன்

இரண்டு படத்தில் எது பெஸ்டா இருக்கிறது என்ற கேள்விக்கு, இது என்னங்க கதை. யாரை கேட்டாலும் அவங்க படத்தை தான் சொல்வாங்க என்று வேலைக்காரன் பற்றி தெரிவித்தார் சந்தானம்.

ரஜினி

கமல் ஹாஸன், ரஜினிகாந்த் அரசியலுக்கு வந்தால் யாரை ஆதரிப்பீர்கள் என்று சந்தானத்திடம் கேட்கப்பட்டது. முதலில் அவர்கள் அரசியலுக்கு வரட்டும். வந்த பிறகு அவர்கள் என்னவெல்லாம் செய்வாங்கன்னு சொல்வார்கள். அதை பார்த்த பிறகே சொல்ல முடியும் என்று சந்தானம் தெரிவித்தார்.

வரலாம்

நடிகர்கள் அரசியலுக்கு வரலாம். அதில் தப்பே இல்லை. எனக்கு அரசியலுக்கு வரும் ஐடியா இப்போதைக்கு இல்லை. முதலில் கமல் சார், ரஜினி சார் வரட்டும் என சந்தானம் கூறினார்.

போட்டி

வடிவேலு மீண்டும் நடிக்க வந்துவிட்டார். உங்களுக்கும், அவருக்கும் இடையே போட்டி இருக்குமா என்ற கேள்விக்கு, நான் தான் ஹீரோவாகிவிட்டேனே, எனக்கும், அவருக்கும் ஏன் போட்டி வரப் போகிறது. நான் ஏன் மீண்டும் காமெடியனாக போகணும். தொடர்ந்து ஹீரோவாக நடிப்பேன் என்றார் சந்தானம்.