முதல்நாளே வெற்றியைக் குவித்த தனுஷின் “வேலை இல்லா பட்டதாரி”

தமிழ்நாட்டில் வசூல்:

அதிலும் தமிழ்நாட்டில் முதல் நாள் வசூல் சந்தோஷிக்கும் வகையில் இருப்பதாக செய்திகள் தெரிவிக்கின்றன.

அமோக அறுவடை:

3 படம் தனுஷுக்கு மிகப் பெரிய பிளாப் ஆக அமைந்தது. தற்போது அதை சரி செய்யும் வகையில் வேலையில்லாத பட்டதாரி வசூல் அறுவடை செய்து வருகிறதாம்.

அரங்கம் நிறைந்த காட்சி:

தமிழ்நாடு மட்டுமல்லாமல் கேரளா, கர்நாடகா ஆகிய மாநிலங்களிலும் கூட படம் அரங்கு நிறைந்த காட்சிகளாக சக்கை போடு போடுகிறதாம்.

மொத்தமாக 350 தியேட்டர்கள்:

தமிழ்நாட்டில் இந்தப் படத்தை 350 தியேட்டர்களில் ரிலீ்ஸ் செய்துள்ளனர். இதில் சென்னையில் மட்டும் 30 திரைகளில் படம் காட்டப்படுகிறது.

சென்னையில் வசூல் மழை:

செங்கல்பட்டு 60 திரை, கோவை 65, மதுரை 30, திருச்சி 30, சேலம் 55 என படம் நீக்கமற ரிலீஸாகியுள்ளது. இதில் சென்னை மற்றும் அதைச் சுற்றியுள்ள பகுதிகளிலிருந்துதான் முதல் நாளில் நல்ல வசூல் கிடைத்துள்ளதாம்.

பிரபலமான டிரெய்லர், பாடல்கள்:

இப்படத்திற்கு ஆரம்பத்திலிருந்தே நல்லபடியாக புரமோஷன் கொடுத்ததும், பாடல்கள் ஹிட் ஆனதும்தான் படத்திற்குக் கிடைத்துள்ள நல்ல வரவேற்புக்குக் காரணமாம். படத்தின் டிரெய்லரும், டீசர்களும் ஏற்கனவே பிரபலமாகி விட்டது நினைவிருக்கலாம்.

தனுஷின் 25ஆவது படம்:

இதையெல்லாவற்றையும் விட இது தனுஷுக்கு 25 ஆவது படமாகும். எனவே எதிர்பார்ப்புகளும் பெரிதாகவே இருந்தன. அதை பூர்த்தி செய்யும் வகையில் படம் அமைந்திருப்பதாலும் படத்திற்குக் கிடைத்துள்ள பெரிய வரவேற்புக்குக் காரணம் என்கிறார்கள் தியேட்டர் நிர்வாகிகள்.

முதல்நாள் வரவேற்பு:

சென்னையைச் சேர்ந்த ஒரு தியேட்டர் உரிமையாளர் கூறுகையில், " தனுஷ் சமீப காலமாக செல்வாக்கை இழந்து வருகிறார் என்று கூறப்பட்டு வந்தது. ஆனால் அது தவறு என்பதை இப்படம் நிரூபித்துள்ளது. இப்படத்திற்கு முதல் நாளிலேயே நல்ல வரவேற்பு கிடைத்திருப்பது மகிழ்ச்சி அளிக்கிறது" என்றார்.

கேரளாவில் வெற்றி:

கேரளாவில் இப்படம் 60 திரைகளில் வெளியிடப்பட்டுள்ளது. அங்கும் கூட நல்ல வரவேற்பு கிடைத்துள்ளதாக கேள்விப்படுகிறோம்.

பெங்களூரில் 20 இடங்கள்:

கர்நாடகத்தில் தனுஷுக்கு நிறைய ரசிகர்கள் உள்ளனர். அங்கு இப்படம் 65 திரைகளில் வெளியாகியுள்ளது. குறிப்பாக தலைநகர் பெங்களூரில் 20 திரைகளில் படம் வெளியாகியுள்ளது.

சர்வதேச அளவிலும் அமர்க்களம்:

சர்வதேச அளவில் அதாவது மலேசியா, சிங்கப்பூரிலும் கூட படத்திற்கு நல்ல வரவேற்பு கிடைத்துள்ளதாக சொல்கிறார்கள். ஆனால் வசூல் விவரம் தெரியவில்லை.