அப்போ பாம்பேக்கு போனா கேங்ஸ்டர் ஆகலாமா.. வெந்து தணிந்தது காடு படத்தை வச்சு செய்யும் ரசிகர்கள்!

ப்ளூ சட்டை மாறன் விளாசல்

சிம்புவின் வெந்து தணிந்தது காடு படத்திற்கு ஏகப்பட்ட விமர்சகர்கள் ரசிகர்கள் என பலரும் பாசிட்டிவ் விமர்சனங்களை கொடுத்து வந்த நிலையில், ப்ளூ சட்டை மாறன் படத்தை கிழித்துத் தொங்கப் போட்டுள்ளார். அவரது விமர்சனத்தை பார்த்த பிறகு பல ரசிகர்களும் ஆமாம்ப்பா.. படத்தில் ஒன்றுமே இல்லை ஏற்கனவே பார்த்து புளித்துப் போன டான் படம் தான் என கமெண்ட் போட்டு வருகின்றனர்.

நெஞ்சினிலே காப்பி

வெந்து தணிந்தது காடு படம் நாயகன், பாட்ஷா, ஜகமே தந்திரம் போன்ற பல கேங்ஸ்டர் படங்களில் இருந்து சீன்களை சுட்டு எடுக்கப்பட்ட ஒரு படம் என ஒரு பக்கம் நெட்டிசன்கள் ட்ரோல் செய்து வரும் நிலையில், விஜய் நடிப்பில் வெளியான நெஞ்சினிலே படத்தின் கதை தான் பாஸ் இது என இன்னொரு பக்கம் போட்டோ மீம் போட்டு கிண்டல் செய்து வருகின்றனர்.

கேங்ஸ்டர் ஆகிடலாமா

வெந்து தணிந்தது காடு படம் வந்த பிறகு இந்த மீம் தான் சோஷியல் மீடியாவிலேயே படு வேகமாக டிரெண்டாகி வருகிறது. நாயகன், பாட்ஷா, தலைவா, அஞ்சான், கேஜிஎஃப் உள்ளிட்ட படங்களின் போஸ்டர்களையும், கடைசியாக சிம்புவின் வெந்து தணிந்தது காடு படத்தின் போஸ்டரையும் போட்டு அப்போ பாம்பேக்கு போனா கேங்ஸ்டர் ஆகிடலாமா என பங்கம் பண்ணி உள்ளனர்.

தனுஷுக்கு எதிரான பேச்சு

ஹாலிவுட் வரை போய்விட்டால் அடுத்து என்ன திருப்பி இங்க தான வந்தாகணும் என சமீபத்தில் நடிகர் சிம்பு பேசிய பேட்டியையும் பதிவிட்டு தனுஷுக்கு எதிராகவே சிம்பு பேசி வருகிறார். மீண்டும் இருவருக்கும் இடையே போட்டி இருப்பதாக காட்டப் பார்க்கிறார் என்றும் ட்ரோல் செய்து வருகின்றனர். வெந்து தணிந்தது காடு படத்துக்கு சரியான பதிலடியை நானே வருவேன் கொடுக்கும் என்றும் தனுஷ் ரசிகர்கள் கமெண்ட் அடித்து வருகின்றனர்.