Vendhu Thanindhathu Kaadu Box Office: சிம்புவின் வெந்து தணிந்தது காடு 3ம் நாள் வசூல் எவ்வளவு?

சின்ன பையனான சிம்பு

19 வயசு பையனாக மாற வேண்டும் என இயக்குநர் கெளதம் மேனன் சொன்னதும், அதெல்லாம் எப்படி சார் முடியும் என கேட்காமல், தன் மீது வைத்துள்ள நம்பிக்கை காரணமாகத்தான் இப்படி சொல்றாருன்னு புரிஞ்சிக்கிட்டு, கெளதம் மேனனையே அசத்தும் படி ரெடியாகி வந்த சிம்புவின் டெடிகேஷனுக்குத்தான் படத்தை ரசிகர்கள் பாராட்டி வருகின்றனர்.

கதையில் ஒரு உயிர் இருக்கு

ஏகப்பட்ட பில்டப் கேங்ஸ்டர் படங்களை பார்த்து பழகிப் போன ரசிகர்களுக்கு இந்த படத்தில் அப்படி என புதுசா சொல்ல போறாங்க அதே பழைய டான் கதை தானே என நினைத்து படத்தை பார்க்கும் ரசிகர்களுக்கு, வெந்து தணிந்தது காடு முத்துவோட வாழ்க்கையை உயிர்ப்புடன் பிரதிபலிப்பதால் தான் ரசிகர்கள் இந்த படத்திற்கு நெகட்டிவ் விமர்சனங்கள் கொடுக்காமல் ரசித்துப் பார்த்து வருகின்றனர்.

செகண்ட் ஹாஃப் சொதப்பல்

முதல் பாதியை சிறப்பாக எடுத்த இயக்குநர் கெளதம் மேனன் இரண்டாவது பாதியில் முத்து கேங்ஸ்டரான பிறகு ஹோமோ செக்ஸ், பாஸ் பலான காரியம் பண்ணுவதற்கு முத்துவே பாதுகாப்பாக இருப்பது. முத்துவின் மனைவியையே முதலாளி கடத்திச் சென்று பலாத்காரம் செய்தது போல ட்விஸ்ட் வைக்கும் காட்சிகள் இரண்டாம் பாதியில் ஃபேமிலி ஆடியன்ஸை வெகுவாக நெருடச் செய்துள்ளது.

10 கோடி வசூல்

இதுவரை எந்தவொரு சிம்பு படமும் செய்யாத சாதனையை வெந்து தணிந்தது காடு வசூலில் படைத்திருப்பதாக தகவல்கள் வெளியாகி உள்ளன. முதல் நாளில் 10 கோடிக்கும் அதிகமான வசூல் வந்துள்ளதாக உறுதியான தகவல்கள் வெளியாகி உள்ளன. மேலும், தொடர்ந்து படத்திற்கு ரசிகர்கள் மத்தியில் நல்ல வரவேற்பு கிடைத்துள்ளது.

மூன்றாவது நாள் வசூல்

வெந்து தணிந்தது காடு படம் முதல் நாளில் 10 கோடி வசூலை ஈட்டிய நிலையில், இரண்டாம் நாளில் 8 கோடிக்கும் அதிகமான வசூல் என்றும் 3ம் நாளான நேற்று சுமார் 7 கோடி வரை படம் வசூல் செய்திருப்பதாக தகவல்கள் வெளியாகி உள்ளன. ஞாயிற்றுக்கிழமையான இன்றும் படம் தியேட்டர்களில் ஹவுஸ்ஃபுல்லாக ஓடும் என்பதால், இந்த படம் மிகப்பெரிய வசூல் வேட்டையை சிம்புவுக்கு கொடுக்கும் என்பதில் எந்தவொரு சந்தேகமும் இல்லை.

அதிகாரப்பூர்வமாக

மொத்தமாக இதுவரை 25 முதல் 27 கோடி வரை வசூல் செய்திருப்பதாக தகவல்கள் வெளியாகி உள்ளன. ஆனால், வேல்ஸ் நிறுவனம் எந்தவொரு அதிகாரப்பூர்வ பாக்ஸ் ஆபிஸ் ரிப்போர்ட்டையும் இதுவரை வெளியிடவில்லை என்பது குறிப்பிடத்தக்கது.