விஜய் - அஜீத்... அட.. சீரியஸாத்தான் முயற்சிக்கிறாராம் வெங்கட் பிரபு!

திட்டம்

அந்தப் பட ஷூட்டிங்கின்போது, ஒரு முறை வெங்கட் பிரபு அளித்த பேட்டியில், "அஜீத்தையும் விஜய்யையும் இணைத்து ஒரு மல்டி ஸ்டாரர் படம் பண்ணும் திட்டமிருக்கிறது," என்று கூறியிருந்தார்.

ஜெ அன்பழகன்

இந்த நிலையில் விஜய், அஜீத் சேர்ந்து நடிப்பதாக இருந்தால் அந்தப் படத்தை தான் தயாரிப்பதாக திமுக பிரமுகர் அன்பழகன் கூறியிருந்தார்.

மங்காத்தா 2

மங்காத்தாவின் 2-ம் பாகத்தை எடுபு்பதில் உறுதியாக இருக்கும் வெங்கட் பிரபு அதற்காக இரு ஹீரோக்களிடமும் பேசி வருவதாகத் தெரிகிறது. கவுதம் மேனன் படத்துக்குப் பிறகு மீண்டும் வெங்கட் பிரபு இயக்கத்தில்தான் அஜீத் நடிப்பதாகக் கூறப்படுகிறது. அது மங்காத்தா 2-ஆகக் கூட இருக்கலாம் என்கிறார்கள்.

பேசுவேன்

இதுகுறித்து வெங்கட் பிரபு கூறுகையில், "விஜய், அஜீத் இருவரையும் சேர்த்து படம் இயக்க நான் தயாராக இருக்கிறேன். பல முறை இதுபற்றி நானே கூறியுள்ளேன். விரைவில் அஜீத், விஜய்யிடம் பேசப்போகிறேன்," என்றார்.

மங்காத்தா செட்டில்

அஜீத், விஜய் இருவரிடமும் நல்ல தொடர்பில் இருப்பவர் வெங்கட் பிரபு. மங்காத்தா படம் ஷூட்டிங்கின் போது, விஜய்யே படப்பிடிப்பு தளத்துக்கு வந்து, அனைவருடனும் போட்டோவுக்கு போஸ் கொடுத்துவிட்டுச் சென்றது நினைவிருக்கலாம்.