வெந்து தணிந்தது காடு புடிக்கலைன்னு யாராவது சொன்னா.. கெளதம் மேனன் இப்படி தான் வந்து அடிப்பாரு!

டிரெண்டிங்கில் சிம்பு

நடிகர் சிம்பு படம் எப்போ வந்தாலும், காலை முதல் மாலை வரை ஹாஷ்டெக் டிரெண்டிங்கில் அந்த படத்தை அவரது ரசிகர்கள் எப்போதும் வைத்திருப்பது வழக்கம். மாநாடு படத்திற்கு கிடைத்த வெற்றியைத் தொடர்ந்து வெந்து தணிந்தது காடு படத்திற்கும் பாசிட்டிவ் விமர்சனங்கள் குவிந்து படம் பிளாக்பஸ்டர் தான் என்கிற பேச்சுக்கள் அடிபட்டு வருகின்றன.

பேக் டு பேக் பிளாக்பஸ்டர்

இயக்குநர் வெங்கட் பிரபு இயக்கத்தில் சிம்பு நடித்த மாநாடு திரைப்படம் மிகப்பெரிய ஹிட் அடித்த நிலையில், தற்போது வெளியாகி உள்ள வெந்து தணிந்தது காடு படமும் பிளாக்பஸ்டர் ஹிட் அடித்துள்ளது என ரசிகர்கள் மீம் போட்டு கொண்டாடி வருகின்றனர். மிகப்பெரிய வசூல் வேட்டையை இந்த படம் செய்யும் என ரசிகர்கள் சாலிடாக சொல்லி வருகின்றனர்.

தூங்காம தான வந்த

யாராவது வெந்து தணிந்தது காடு படம் புடிக்கலைன்னு சொன்னா, இயக்குநர் கெளதம் மேனன் உடனடியாக.. சொல்லு நைட்லாம் தூங்காம தான வந்து படம் பார்த்த சொல்லுன்னு இப்படித்தான் அடிப்பாருன்னு கிங் படத்தோட வடிவேலு காமெடி மீமை போட்டு பங்கம் செய்து வருகின்றனர்.

யூத் ஐகான்

இதற்காகத்தான் நடிகர் சிம்புவை அனைவரும் யூத் ஐகான் என கொண்டாடி வருகின்றனர் என அவரது டிரான்ஸ்ஃபர்மேஷன் போட்டோக்களை ஷேர் செய்து சிம்புவின் டெடிகேஷனை பாராட்டி வருகின்றனர். எந்தவொரு ஆர்ப்பாட்டமும் இல்லாமல், நாம பேசக் கூடாது. படம் பேசட்டும் என ஆடியோ லாஞ்சில் சிம்பு பேசியது நிறைவேறி உள்ளது என ரசிகர்கள் வெந்து தணிந்தது காடு படம் குறித்து ஏகப்பட்ட ட்வீட்களை போட்டுத் தாக்கி வருகின்றனர்.