விஜய்யுடன் களத்தில் குதிக்கும் சிம்பு படம்... மாநாடு அளவுக்கு வெற்றி தருமா?

மாநாடு படம்

நடிகர் சிம்பு, எஸ்ஜே சூர்யா, கல்யாணி பிரியதர்ஷன், பிரேம்ஜி ஆகியோர் நடிப்பில் கடந்த நவம்பர் 25ம் தேதி வெளியாகி சூப்பர் டூப்பர் ஹிட் கொடுத்துள்ள படம் மாநாடு. வெங்கட் பிரபு இயக்கத்தில் வெளியான இந்தப் படம் டைம் லூப் அடிப்படையில் உருவாக்கப்பட்டு வித்தியாசமான திரைக்கதையை கொண்டிருந்தது.

கவனமான திரைக்கதை

இந்தப் படத்தில் ஒரே விஷயங்கள் மறுபடி மறுபடி வருவதாக அமைந்திருந்த போதிலும் அந்த திரைக்கதையை மிகவும் கவனத்துடன் கையாண்டு சிறப்பான வெற்றியை பெற்றுள்ளார் வெங்கட் பிரபு. படத்தில் சிம்பு, எஸ்ஜே சூர்யா இருவரின் நடிப்பும் வெற்றிக்கான காரணங்களாக அமைந்துள்ளன.

சிம்பு உற்சாகம்

இந்நிலையில் இந்தப் படம் கொடுத்த வெற்றி, டாக்டர் பட்டம் உள்ளிட்ட அடுத்தடுத்த மகிழ்ச்சி தந்துள்ள உற்சாகத்துடன் சிம்பு தனது அடுத்த படமான கௌதம் மேனனின் வெந்து தணிந்தது காடு படத்தில் நடித்து வருகிறார். இந்தப் படத்தில் அவர் 5 கெட்டப்புகளில் நடித்துள்ளதாக கூறப்பட்டுள்ளது.

ஏப்ரல் ரிலீஸ்

இந்நிலையில் இந்தப் படம் வரும் ஏப்ரலில் ரிலீசாக உள்ளதாக படத்தின் தயாரிப்பாளர் ஐசரி கணேஷ் சமீபத்திய பேட்டி ஒன்றில் தெரிவித்துள்ளார். ஏப்ரலில் விஜய்யின் பீஸ்ட், கேஜிஎஃப் ஆகிய படங்கள் ரிலீசாக உள்ள நிலையில், அந்த வரிசையில் தற்போது வெந்து தணிந்தது காடு படமும் இணைந்துள்ளது.

ஜெயமோகன் கதை

இதையொட்டி இந்தப் படத்தின் சூட்டிங்கை இந்த மாதத்திற்குள் முடித்துவிட்டு ஏப்ரலில் படத்தை வெளியிட திட்டமிடப்பட்டுள்ளதாக ஐசரி கணேஷ் தெரிவித்துள்ளார். இந்தப் படத்தின் கதையை ஜெயமோகன் எழுதியுள்ள நிலையில், படத்தில் சிம்புவிற்கு ஜோடியாகியுள்ளார் கயடு லோஹர்.

ஏஆர் ரஹ்மான் இசை

படத்திற்கு இசையமைத்துள்ளார் ஏஆர் ரஹ்மான். பாடலாசிரியராக தாமரை உள்ளார். படத்தில் ராதிகா சரத்குமார் முக்கியமான கதாபாத்திரத்தில் நடித்துள்ளார். பிரபல ஹாலிவுட் ஸ்டண்ட் மாஸ்டர் லீ விட்டேகர் படத்தின் ஸ்டண்ட் காட்சிகளை சிறப்பான வகையில் அமைத்துள்ளார்.

அடுத்தடுத்த படங்கள்

இதையடுத்து பத்து தல மற்றும் கொரோனா குமார் என அடுத்தடுத்த படங்களின் சூட்டிங்குகளில் பங்கேற்க உள்ளார் சிம்பு. இதில் கொரோனா குமார் படத்தை ஐசரி கணேஷே தயாரிக்கவுள்ள நிலையில் அந்தப் படமும் இந்த ஆண்டே ரிலீசாக உள்ளதாக ஐசரி கணேஷ் உறுதியாக தெரிவித்துள்ளார்.