Don't Miss!
- News தமிழக போக்குவரத்து ஆணையர் சண்முக சுந்தரம் ஐஏஎஸ் சென்னை போலீசில் பரபரப்பு புகார்
- Technology பூமிக்கு கடைசி மெசேஜ்.. Mars-இல் இருந்து வந்த "குட்பை".. அசைவின்றி கிடக்கும் ஏர்கிராப்ட்.. 72 முறை நடந்தது!
- Sports PBKS vs MI : பும்ரா பந்தில் அடித்த அந்த சிக்ஸ்.. எனது ரொம்ப நாள் ஆசை.. ஓபனாக சொன்ன அஷுதோஷ் சர்மா!
- Lifestyle சுக்கிரனின் நட்சத்திர பெயர்ச்சி: ஏப்ரல் 25 முதல் அடுத்த 10 நாட்கள் இந்த 3 ராசிக்கு அதிர்ஷ்டமா இருக்கப் போகுது.
- Finance குழந்தைகளுக்கு கொடுக்கும் செர்லாக்கில் சர்க்கரையா? அதிர்ச்சியில் பெற்றோர்கள்!
- Automobiles உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
சத்தியமங்கலத்தில் ஷுட்டிங்.. வெற்றிமாறன் இயக்கும் படம்.. சூரி ஜோடியாக இவர்தான் நடிக்கிறாராமே?
சென்னை: வெற்றிமாறன் இயக்கும் படத்தில் சூரி ஜோடியாக பவானி ஶ்ரீ நடிக்க இருப்பதாகக் கூறப்படுகிறது.
Recommended Video
'அசுரன்' ஹிட்டுக்கு பிறகு, சூர்யா நடிக்கும் வாடிவாசல் படத்தை இயக்குனர் வெற்றிமாறன் தொடங்க இருந்தார்.
கொரோனா பரவல் காரணமாக லாக்டவுன் பிறப்பிக்கப்பட்டதால் பல குளறுபடிகள் நடந்தன.
துணைவன் சிறுகதை
இதனால், வாடிவாசல் படத்தை விட்டுவிட்டு, சூரி நடிக்கும் படத்தை இயக்க வெற்றிமாறன் முடிவு செய்தார். எழுத்தாளர் ஜெயமோகனின் துணைவன் என்ற சிறுகதையை மையமாக வைத்து இந்தப் படத்தை இயக்குகிறார். இந்த சிறுகதை பல வருடங்களுக்கு முன் வார இதழ் ஒன்றில் வெளியானது.
சத்யமங்கலம் காடு
இதில், நடிகர் சூரி போலீஸ்காரராகவும், பாரதிராஜா புரட்சியாளராகவும் முதலில் நடிப்பதாக இருந்தது. இதன் ஷூட்டிங் சத்யமங்கலம் காடுகளில் தொடங்கியது. ஒரே கட்டமாக, படப்பிடிப்பை முடிக்க முடிவு செய்திருந்தனர். ஆனால், கடும் குளிர் காரணமாக, அந்த படத்தில் இருந்து பாரதிராஜா விலகினார்.
விஜய் சேதுபதி
இதையடுத்து அந்தப் படத்தில் கிஷோர் நடிப்பதாகக் கூறப்பட்டது. அவராலும் அதில் நடிக்க முடியாத நிலை ஏற்பட்டதால், இப்போது விஜய் சேதுபதி நடிக்க இருப்பதாகக் கூறப்படுகிறது. ஆனால், படக்குழு இதை அதிகாரபூர்வமாக. அறிவிக்கவில்லை. இந்நிலையில், இந்தப் படத்தின் சூரி ஜோடியாக, பவானி ஶ்ரீ ஒப்பந்தமாகி இருக்கிறார்.
சூரி ஜோடியாக
விஜய் சேதுபதி, ஐஸ்வர்யா ராஜேஷ் நடித்த க/பெ. ரணசிங்கம் படம் மூலம் நடிகையாக அறிமுகமானவர், பவானி ஶ்ரீ. விஜய் சேதுபதிக்கு தங்கையாக அந்தப் படத்தில் நடித்திருந்தார். இவர் இசை அமைப்பாளர் ஜி.வி.பிரகாஷின் சகோதரி ஆவார். அடுத்து நெட்பிளிக்ஸில் வெளியான பாவக் கதைகள் ஆந்தாலஜியில் தங்கம் என்ற கதையில் நடித்திருந்தார்.
இளையராஜா இசை
வெற்றிமாறன் இயக்கும் இந்தப் படத்தை, எல்ரெட் குமாரின் ஆர்.எஸ்.இன்ஃபோடெயின்மென்ட் தயாரிக்கிறது. படத்துக்கு இளையராஜா இசையமைக்க இருக்கிறார். இந்த படத்தை முடித்துவிட்டு அவர் சூர்யா நடிக்கும் வாடிவாசலை தொடங்க இருக்கிறார். இதை கலைப்புலி எஸ்.தாணு தயாரிக்கிறார்.