Don't Miss!
- News கெஜ்ரிவாலை மரணத்தை நோக்கி தள்ளுகிறார்கள்! பாஜக மீது ஆம் ஆத்மி பாய்ச்சல்! அதிரும் தலைநகர் டெல்லி
- Finance ரூ.4,000 கோடிக்கு ஐபிஓ.. ரெடியான ஓலா நிறுவனம்..!
- Sports என்ன வீடியோ கேம் விளையாடுறாங்க.. 11 சிக்ஸ், 13 ஃபோர்ஸ்.. 5 ஓவர்களில் சதம்.. வரலாறு படைத்த ஐதராபாத்!
- Automobiles ஓலா ஷோரூம் இல்லாத ஊரே இல்ல போல!! இன்னும் சில வருஷத்தில் தெருவுக்கு ஒண்ணும் வந்துவிடும்!
- Lifestyle நீங்க போடுற டீ அமிர்தம் மாதிரி இருக்கணுமா? அப்ப டீ போடுறப்ப இந்த தவறுகளை தெரியாம கூட பண்ணிராதீங்க...!
- Technology கடையை இழுத்து மூடும் OnePlus.. இனி தமிழ்நாட்டில் ஒன்பிளஸ் போன் வாங்க முடியாதா? உண்மை என்ன?
- Education தமிழ்நாடு மெர்க்கன்டைல் வங்கியில் பணிபுரிய அற்புதமான வாய்ப்பு..!
- Travel தமிழ்நாட்டுக்குள்ள வெயில் கொளுத்துது – ஆனா இந்தியாவின் இந்த இடங்களில பனிச்சரிவு – என்ன வினோதம் இது?
ரெட் ஜெயண்ட் வெளியிட்ட விடுதலை படத்தின் சூட்டிங் ஸ்பாட் புகைப்படங்கள்.. கலக்கல் காம்பினேஷன்தான்!
சென்னை : சூரி -விஜய் சேதுபதி காம்பினேஷனில் பிரபல இயக்குநர் வெற்றிமாறன் இயக்கிவரும் படம் விடுதலை.
இந்தப் படம் இரண்டு பாகங்களாக வெளியாகவுள்ளதாக முன்னதாக படக்குழு தரப்பில் அப்டேட் தெரிவிக்கப்பட்டுள்ளது. விரைவில் முதல் பாகம் வெளியாகவுள்ளதாகவும் கூறப்பட்டுள்ளது.
இந்நிலையில் இந்தப் படத்தின் தமிழக வெளியீட்டு உரிமையை பிரபல தயாரிப்பாளர் உதயநிதியின் ரெட் ஜெயண்ட் மூவிஸ் கைப்பற்றியுள்ளது.
வெற்றிமாறன் படத்துல அவரு இல்லைன்னா எப்படி?: விடுதலையில் கடைசியாக இணைந்த தனுஷ்!
இயக்குநர் வெற்றிமாறன்
இயக்குநர் வெற்றிமாறன் இயக்கத்தில் தற்போது விடுதலை படத்தின் இறுதிக்கட்ட சூட்டிங் மிகவும் பிரம்மாண்டமாக நடைபெற்று வருகிறது. இந்தப் படத்தின் நாயகனாக சூரி நடித்து வரும் நிலையில், மிகவும் அழுத்தமான கேரக்டரில் விஜய் சேதுபதியும் படத்தில் நடித்து வருகிறார். இந்தப் படம் விரைவில் ரிலீசாக உள்ளதாக கூறப்பட்டுள்ளது.
நீட்டிக்கப்பட்ட விஜயசேதுபதி ரோல்
இந்தப் படத்தில் முதலில் கேமியோ ரோலில் நடிக்கவே விஜய் சேதுபதி ஒப்பந்தம் செய்யப்பட்டிருந்தார். ஆனால் தொடர்ந்து அவரது கேரக்டரை வெற்றிமாறன் படம் முழுக்க வரும்படி செய்துள்ளார். இந்தப் படத்தின் வெளியீட்டு உரிமையை தற்போது உதயநிதியின் ரெட் ஜெயண்ட் மூவிஸ் கைப்பற்றியுள்ளது.
2 பாகங்களாக வெளியீடு
இதனிடையே விரைவில் ரிலீசாக உள்ள இந்தப் படம் இரண்டு பாகங்களாக வெளியாகவுள்ளதாக அறிவிக்கப்பட்டுள்ளது. அடுத்ததாக சூர்யாவின் வாடிவாசல் படத்தின் சூட்டிங்கில் இணையவுள்ள வெற்றிமாறன், அந்தப் படத்தை தொடர்ந்து விடுதலை 2 படத்தை இயக்குவார் என்று தகவல்கள் தெரிவிக்கின்றன.
முக்கிய கேரக்டரில் கௌதம் மேனன்
இந்தப் படத்தில் சூரி, விஜய் சேதுபதியுடன் பிரபல இயக்குநர் கௌதம் மேனனும் இணைந்து நடித்துள்ளார். பிரபல எழுத்தாளர் ஜெயமோகனின் துணைவன் என்ற சிறுகதையை மையமாக கொண்டு இந்தப் படம் உருவாகியுள்ளது. படத்திற்கு வேல்ராஜ் ஒளிப்பதிவு செய்ய இளையராஜா இசையமைத்துள்ளார்.
சூட்டிங் ஸ்பாட் புகைப்படங்கள்
இந்நிலையில் இந்தப் படத்தின் சூட்டிங் ஸ்பாட் புகைப்படங்களை உதயநிதியின் ரெட் ஜெயண்ட் மூவிஸ் தனது இன்ஸ்டாகிராம் பக்கத்தில் வெளியிட்டுள்ளது. இந்தப் புகைப்படங்கள் படத்திற்கான எதிர்பார்ப்பை மேலும் தூண்டியுள்ளன. எப்போதுமே அழுத்தமான கதைக்களங்களில் தன்னுடைய படங்களை கொடுத்துவரும் வெற்றிமாறன், இந்தப் படத்தில் சூரியுடன் களமிறங்கியுள்ளது படத்திற்கான முக்கியமான விஷயமாக பார்க்கப்படுகிறது.