வசூல் வேட்டை உறுதி!

நடிகர் விஜய் நடிப்பில் வெளியான லியோ, கோட் உள்ளிட்ட படங்களுக்கும் கலவையான விமர்சனங்கள் அதிகளவில் குவிந்தன. ஆனால், அந்த படங்கள் வசூல் வேட்டை நடத்தின. அதே போலத்தான் அஜித்தின் விடாமுயற்சி படமும் வசூல் வேட்டை நடத்தும் என்கின்றனர். வீக்கெண்ட் ஷோக்கள் எல்லாம் ஹவுஸ் ஃபுல் ஆகி வருவதாக கூறுகின்றனர்.

அடுத்து ஆதிக் ரவிச்சந்திரன் படம் எப்படி இருக்கும்?

தடம் எடுத்த மகிழ் திருமேனி படத்துக்கே இப்படின்னா, அடுத்து பஹீரா எடுத்த ஆதிக் ரவிச்சந்திரன் படம் வந்துட்டு இருக்கு என நெட்டிசன்கள் விடாமுயற்சி படத்தை ட்ரோல் செய்து வருகின்றனர்.

விக்னேஷ் சிவன் இன்ஸ்டா ஸ்டோரி:

சில சமயம் கைமீறிப்போன ஒரு விஷயத்துக்கு கவலைப்படாமல் இருந்தால், யூனிவர்ஸே சில மேஜிக்கை நிகழ்த்தும் என விக்னேஷ் சிவன் இன்ஸ்டாகிராமில் வைத்துள்ள ஸ்டோரியை ஷேர் செய்து விடாமுயற்சி படத்தை மறைமுகமாக தாக்குகிறார் என கமெண்ட்டுகள் குவிந்து வருகின்றன.

விக்னேஷ் சிவன் ஹேப்பியா இருப்பாரு!

அஜித் குமாரின் 62வது படத்தை இயக்கும் வாய்ப்பை விக்னேஷ் சிவன் இழந்த நிலையில், விடாமுயற்சி படத்தின் ரிசல்ட்டை பார்த்து அவர் ஹேப்பியாகி இருப்பார் என விஜய் ரசிகர்கள் கலாய்த்து வருகின்றனர்.

ஜெயித்தாலும் தோற்றாலும் கூடவே இருப்போம்.. ரசிகர் பேட்டி

அஜித் நடித்த படம் எப்படி இருக்க வேண்டும் என்ற எந்தவித எதிர்பார்ப்பும் எங்களுக்கு இல்லை. அவர் ஜெயித்த போதும் அவருடன் இருந்தோம், அவர் தோற்ற போதும் அவருடன் இருந்தோம். எப்போதும் அவருடன் இருப்போம். இப்போது இருக்கும் கூட்டம் இன்னும் 20 வருடம் ஆனாலும் அவருக்கு இருக்கும் என்றார்.

அஜித் ரசிகர்கள் மீது லேசான தடியடி

விடாமுயற்சி திரைப்படம் இன்று வெளியானதை அஜித் ரசிகர்கள் திருவிழாப்போல கொண்டாடி வருகின்றனர். மதுரையில் சாலையில் பட்டாசு வெடிக்க முயன்ற அஜித் ரசிகர்களை, லேசான தடியடி நடத்தி போலீசார் துரத்தினர்.

விடாமுயற்சி படத்தில் த்ரிஷா வில்லியா?.

விடாமுயற்சி படத்தில் வில்லியே த்ரிஷா தான் என்ற விஷயத்தை பிக் பாஸ் பிரபலமும், திரைப்பட விமர்சகருமான அபிஷேக் ராஜா தெரிவித்துள்ளார். கொடி படத்திற்கு பிறகு த்ரிஷா, இந்த படத்தில் நெக்டிவ் ரோலில் நடித்து இருக்கிறார்.

ஆரவ் நெகிழ்ச்சி

விடாமுயற்சி படத்தில் நடித்துள்ள ஆரவ் ரோகினி தியேட்டரில் முதல் காட்சியை பார்க்க வந்தார். அப்போது பேசிய அவர், விடாமுயற்சி படத்தில் நானும் நடித்து இருக்கிறேன். அஜித் சாரின் படம் வெளியாகி இரண்டு ஆண்டுகள் ஆகிவிட்டது. இந்த நாளுக்காக நான் மட்டுமில்லாமல் ரசிகர்கள் அனைவரும் காத்திருந்தோம் என்றார்.

ரசிகர்களுடன் படம் பார்த்த த்ரிஷா:

விடாமுயற்சி படம் இன்று தியேட்டரில் வெளியாகி இருக்கும் நிலையில், அதில் அஜித்திற்கு ஜோடியாக நடித்துள்ள த்ரிஷா வெற்றி தியேட்டரில் படம் பார்த்தார். அவருடன் ரெஜினா கசாண்ட்ரா வந்திருந்தார்

கடவுளே அஜித்தே:

அஜித் வேண்டாம் என்று சொல்லியும் அடங்காத ரசிகர்கள். கடவுளே அஜித்தே என்று கத்தி ஆரவாரம் செய்தனர். என்ன செய்வது என்று தெரியாமல் திணறிய போலீஸ்.

விடாமுயற்சி படம் பார்க்க வந்த அஜித் மேனேஜர்!

அஜித்தின் விடாமுயற்சி படத்தை ரசிகர்களுடன் பார்க்க, அஜித்தின் மேனேஜர் சுரேஷ் சந்திரா, சென்னை கோயம்பேட்டில் உள்ள, ரோகினி தியேட்டருக்கு வந்துள்ளார். அவருக்கு ரசிகர்களும் திரையரங்க நிர்வாகிகளும் உற்சாகமான வரவேற்பு கொடுத்துள்ளனர்.

வீண்முயற்சி:

அஜித் குமாரின் விடாமுயற்சி திரைப்படம் வீண்முயற்சி என கிறிஸ்டோபர் கனகராஜ் எனும் ஆன்லைன் விமர்சகர் படத்திற்கு நெகட்டிவ் விமர்சனத்தைக் கொடுத்துள்ளார்.

எதிர்பார்த்த அளவுக்கு இல்லை:

அஜித் குமார் படம் என எதிர்பார்த்த அளவுக்கு விடாமுயற்சி இல்லை. ஹாலிவுட் படமான பிரேக் டவுனை அப்படியே ரீமேக் செய்து வைத்திருக்கின்றனர். நல்ல படம் தான். ஆனால், ரசிகர்கள் தியேட்டரில் கொண்டாடி பார்க்கும் அளவுக்கு எதுவுமே இல்லை. அஜித் மற்றும் த்ரிஷா காதல் போர்ஷனை மட்டும் கூடுதலாக சேர்த்துள்ளது சிறப்பு என இந்த ரசிகர் விமர்சித்துள்ளார்.

வெங்கி விமர்சனம்:

விடாமுயற்சி திரைப்படம் ஆரம்பத்தில் கதைக்குள் செல்ல நேரம் எடுத்துக் கொள்கிறது. ஆனால், கதைக்குள் வந்தவுடன் ஏகப்பட்ட ட்விஸ்ட்டுகளை வைத்து ரசிகர்களை மிரள வைக்கிறது. முதல் பாதி முழுவதும் டீசன்ட்டாக உள்ளது. மகிழ் திருமேனி எந்தவொரு கமர்ஷியல் விஷயத்தையும் தேவையின்றி சேர்க்கவே இல்லை. நான் ஒரிஜினல் வெர்ஷன் பார்க்காத நிலையில், போர் அடிக்கவில்லை என விமர்சகர் வெங்கி தனது விமர்சனத்தைக் கொடுத்துள்ளார்.

படம் கிளாஸா இருக்கு:

அஜித் குமார் மற்றும் அர்ஜுன் ஃபேஸ் ஆஃப் சீனில் வரும் இடைவேளை காட்சி செம கிளாஸாக உள்ளது. மகிழ் திருமேனி மற்றும் அஜித் குமாரின் உழைப்பு நிச்சயம் ரசிகர்களை படத்தை பார்க்க வைத்துவிடும் என இந்த ரசிகர் பதிவிட்டுள்ளார்.

விடாமுயற்சி முதல் பாதி விமர்சனம்:

அஜித் குமாரின் விடாமுயற்சி படத்திற்கு ஒரு வார்த்தையில் விமர்சனம் சொல்ல வேண்டுமென்றால் வெறித்தனம் என இந்த நெட்டிசன் எக்ஸ் தளத்தில் பதிவிட்டுள்ளார். ஏகப்பட்ட அஜித் ரசிகர்கள் விடாமுயற்சி படத்தின் முதல் பாதி தரமான சம்பவம் என்றும் இந்த ஆண்டின் இண்டஸ்ட்ரி ஹிட் படமே இதுதான் என்றும் பதிவுகளை பறக்க விட்டு வருகின்றனர்.

விடாமுயற்சி டைட்டில் கார்டு!

ஆந்திரா, கர்நாடகா உள்ளிட்ட பல்வேறு மாநிலங்களில் விடாமுயற்சி திரைப்படம் அதிகாலையிலேயே திரையிடப்பட்டுள்ள நிலையில், ரசிகர்கள் விடாமுயற்சி படத்தின் டைட்டில் கார்டு வீடியோக்களை தியேட்டர்களில் இருந்து ஷேர் செய்து வருகின்றனர்.

வெளிநாடுகளில் விடாமுயற்சி!

லைகா நிறுவனம் வெளிநாடுகளில் பிரத்யேக டிஜிட்டல் ஸ்க்ரீன் வேனை வைத்துக் கொண்டு பிக் பென் உள்ளிட்ட பல்வேறு இடங்களில் விடாமுயற்சி படத்தின் புரமோஷனை செய்த வீடியோவையும் ரசிகர்கள் ஷேர் செய்து வருகின்றனர். ஓவர்சீஸில் மிகப்பெரிய வசூல் வேட்டையை விடாமுயற்சி அள்ளும் என்கின்றனர்.

விடாமுயற்சி திருவிழா:

நடிகர் அஜித் குமார் தனது ரசிகர் மன்றங்களை எப்போதோ கலைத்துவிட்ட நிலையிலும் இன்னமும் அவருடைய ரசிகர்கள் புதிய படங்கள் வரும்போது தமிழ்நாடு முழுவதும் அன்றைய தினத்தை திருவிழாவாக கொண்டாடி வருகின்றனர்.

நள்ளிரவே அலப்பறை:

டிஜே மியூசிக், மேள தாளம், பட்டாசு வெடித்து, பால் அபிஷேகம் செய்வது என நள்ளிரவில் இருந்தே ரசிகர்கள் தங்கள் அன்பை வெளிப்படுத்தி வருகின்றனர்.எந்தவொரு உயிர் சேதமும் ஆகாமல் இருக்க போலீஸாரும் ரசிகர்களை கட்டுப்படுத்தி பாதுகாத்து வரும் காட்சிகளும் வெளியாகி உள்ளன.