முகப்பு

செய்திகள்

'மைனா', 'கொள்ளைக்காரன்', முதல் இடம் போன்ற படங்களில் நடித்த விதார்த், ஹீரோவாக நடிக்கும் புதிய படம் அருத்தாபத்தி.

இந்த படத்தை சஜின் வர்கீஸ் என்பவர் இயக்குகிறார். இவர் தமிழில் 'காசி', 'அற்புதத்தீவு' உள்ளிட்ட படங்களை எடுத்த இயக்குனர் வினயனிடம் அசோசியேட்டாக பணியாற்றியவர்.

இதில் விதார்த்துக்கு ஜோடியாக கொல்கத்தா மாடல் அழகி ஐஸ்வர்யா தத் நடிக்கிறார். மேலும் தம்பி ராமையா, மனோபாலா, தேவதர்ஷினி உள்ளிட்டோரும் நடிக்கின்றனர்.

வித்தியாசமான கதையமைப்போடு, பரபரப்பூட்டும் காட்சிகள் கொண்ட த்ரில்லராக அருத்தாபத்தி உருவாகிறது.

ஒளிப்பதிவை நவாஸ் கவனிக்கிறார். இசையை லஜ்ஜாவதி பாடல் புகழ் ஜாஸி கிஃப்ட் அமைக்கிறார். இவர் நீண்ட இடைவெளிக்குப் பிறகு தமிழ் படத்திற்கு இசையமைக்கிறார்.

இப்படத்தின் துவக்க விழா நேற்று சென்னை ஏ.வி.எம். ஸ்டுடியோவில் ஆரம்பமாகியது. படக் குழுவினர் பங்கேற்று குத்துவிளக்கேற்றி ஷூட்டிங்கைத் தொடங்கி வைத்தனர்.