முகப்பு

செய்திகள்

பிரான்ஸ் நாட்டின் கேன்ஸ் நகரில் ஆண்டுதோறும் சர்வதேச திரைப்பட விழா நடைபெறும். இந்த ஆண்டுக்கான விழா வரும் மே மாதம் 15ம் தேதி துவங்கி 26ம் தேதி வரை நடைபெறுகிறது. இந்த விழாவில் இந்தியா உள்பட உலகின் பல்வேறு நாட்டு படங்கள் திரையிடப்படும். விழாவில் உலகம் முழுவதிலும் இருந்து ஏராளமான நடிகர்கள், நடிகைகள் கலந்து கொள்வார்கள்.

சிறந்த படத்தை தேர்வு செய்ய 9 நடுவர்கள் நியமிக்கப்பட்டுள்ளனர். ஹாலிவுட் இயக்குனர் ஸ்டீவன் ஸ்பீல்பெர்க் தலைமையிலான நடுவர் குழுவில் லைஃப் ஆஃப் பை இயக்குனர் ஆங் லீ, பாலிவுட் நடிகை வித்யா பாலன், ஹாலிவுட் நடிகை நிக்கோல் கிட்மேன் உள்ளிட்டோர் இடம்பெற்றுள்ளனர். இவ்விழாவில் 19 திரைப்படங்கள் திரையிடப்படுகின்றன.

இந்த விழாவில் அமிதாப் பச்சன் நடித்த முதல் ஹாலிவுட் படமான 'தி கிரேட் கேட்ஸ்பி' திரையிடப்படுகிறது. திரைப்பட விழாவில் அமிதாப் பச்சன் கலந்து கொள்கிறார். ஒவ்வொரு ஆண்டும் தவறாமல் கலந்து கொள்ளும் ஐஸ்வர்யா ராய்க்கு இந்த ஆண்டும் விழாவுக்கான அழைப்பிதழ் அனுப்பப்பட்டுள்ளது.