பார்சிலோனா வீதிகளில் நயன் -விக்கி க்யூட் போட்டோஸ்.. ஸ்பானிஷ் போட்டோகிராபர் சூப்பரா எடுத்திருக்காரே!

விக்னேஷ் சிவன் -நயன்தாரா ஜோடி

இயக்குநர் விக்னேஷ் சிவன் -நயன்தாரா ஜோடி சமீபத்தில் தங்களது திருமணத்தை மகாபலிபுரத்தின் பிரபல ரெசார்ட்டில் செய்துக் கொண்டனர். இந்திய அளவில் முன்னணி நடிகர்கள், திரையுலக பிரபலங்கள் பலர் இந்த திருமணத்தில் கலந்துக் கொண்டனர். மிகவும் கலர்புல்லாக பிரம்மாண்டமாக இந்த திருமணம் நடந்து முடிந்தது.

தாய்லாந்தில் ஹனிமூன்

இதையடுத்து தொடர்ந்து தாய்லாந்திற்கு இருவரும் ஹனிமூன் சென்றனர். அங்கு இருவரும் இணைந்து எடுத்துக் கொண்ட புகைப்படங்களை அதிகமாக பகிர்ந்தனர். இந்த புகைப்படங்கள் வீடியோக்கள் ஏகமாக ரசிகர்களை கொள்ளைக் கொண்டது. வழக்கம்போல ஏராளமான லைக்ஸை வாங்கியது.

வேலைகளில் பிசி

தொடர்ந்து நாடு திரும்பிய நயன்தாரா மற்றும் விக்னேஷ் சிவன் இருவரும் தங்களது வேலைகளில் பிசியாகினர். ஷாருக்குடன் ஜவான் மற்றும் ஜெயம்ரவியுடன் இறைவன் படங்களில் நடித்துவரும் நயன்தாரா அந்தப் படங்களின் சூட்டிங்கில் பங்கேற்றார். மும்பைக்கும் சென்னைக்கும் மாறி மாறி அவரது பயணம் காணப்பட்டது.

ஏகே62 படத்தின் வேலைகள்

இதனிடையே விக்னேஷ் சிவனும் சென்னையில் நடைபெற்ற செஸ் ஒலிம்பியாட் நிகழ்ச்சியின் துவக்க விழா கொண்டாட்டத்தை சிறப்பாக நடத்தி முடித்தார். அனைவரது பாராட்டுக்களையும் அவர் பெற்றார். இதையடுத்து அஜித்தின் ஏகே 62 படத்தின் முன் தயாரிப்பு பணிகளிலும் அவர் ஈடுபட்டார்.

மீண்டும் ஹனிமூன்

இந்நிலையில், தற்போது கிடைத்த இடைவெளியில் மீண்டும் 2வது ஹனிமூனுக்கு திட்டமிட்டு பார்சிலோனாவிற்கு பயணம் மேற்கொண்டுள்ளனர். அவர்கள் பயணத்தை துவங்கியதில் இருந்தே தொடர்ந்து புகைப்படங்களால் இன்ஸ்டாகிராமை நிரப்பி விட்டார் விக்னேஷ் சிவன். தனி விமானத்தில் புறப்பட்ட இருவரும் அங்கிருந்தே தங்களது ரொமான்சை துவக்கினர்.

ஸ்பானிஷ் போட்டோகிராபர் எடுத்த போட்டோஸ்

இந்நிலையில் தற்போது ஸ்பெயினின் வாலன்சியாவில் விக்னேஷ் மற்றும் நயன்தாரா உள்ளனர். இதையொட்டி விக்னேஷ் சிவன் வெளியிட்டுள்ள புகைப்படங்களை ஸ்பானிஷ் புகைப்படக் கலைஞர் கெல்மிப் என்பவர் எடுத்துள்ளதாக விக்னேஷ் சிவன் தனது இன்ஸ்டாகிராமில் தெரிவித்துள்ளார்.

உல்லாசப் பறவைகள்

இந்தப் புகைப்படங்கள் மிகவும் கிரியேட்டிவ்வாக எடுக்கப்பட்டுள்ளது. இருவரையும் வித்தியாசமாக க்ளிக்கியுள்ளார் கெல்மிப். வித்தியாசமான பழமை மாறாத கட்டிடங்களின் பின்புலத்தில் உல்லாச பறவைகளாக விக்னேஷ் மற்றும் நயன்தாரா காணப்படுகின்றனர். இந்தப் புகைப்படங்களுக்கு ரசிகர்கள் மற்றும் பிரபலங்கள் லைக்ஸ்களையும் கமெண்ட்களையும் குவித்து வருகின்றனர்.