காதலிக்காக ரஜினி பட டைட்டிலை வாங்கிய விக்கி.. முதன்முறையாக ‘அந்த’ கேரக்டரில் நடிக்கும் நயன்!

ரவுடி பிக்சர்ஸ்

நயன்தாராவின் இந்த நிலையை உணர்ந்த அவரது காதலர் விக்னேஷ் சிவன், சொந்தமாக பட தயாரிப்பு நிறுவனம் ஒன்றை தொடங்கி அவரை வைத்து படம் எடுக்கும் பணியில் இறங்கியுள்ளார். இந்த கம்பெனிக்கு ரவுடி பிக்சர்ஸ் என பெயர் வைத்துள்ளார் விக்னேஷ் சிவன்.

காதல்

ஏனென்றால் விஜய் சேதுபதி, நயன்தாரா நடிப்பில் வெளியான நானும் ரவுடி தான் படம் தான் விக்னேஷ் சிவனுக்கு மாபெரும் வெற்றியைப் பெற்றுத் தந்தது. அதோடு, இந்த படத்தின் போது தான் அவர்கள் இருவருக்கும் இடையே காதல் மலர்ந்தது. அதன் காரணமாகவே தங்களுடைய பட நிறுவனத்திற்கு ரவுடி பிக்சர்ஸ் என பெயர் வைத்துள்ளனர்.

தொடங்கியது படப்பிடிப்பு

ரவுடி பிக்சர்ஸ் சார்பில் விக்னேஷ் சிவன் தயாரிப்பில் நயன்தாரா நடிக்கும் இப்படத்திற்கு நெற்றிக்கண் என பெயர் வைத்துள்ளனர். 'அவள்' படத்தை இயக்கிய மிலிந்த் ராவ் தான் இப்படத்தை இயக்குகிறார். இப்படத்தின் படப்பிடிப்பு இன்று தொடங்கியுள்ளது. இந்த ஆண்டுக்குள் படத்தை ரிலீஸ் செய்ய திட்டமிட்டுள்ளனர்.

ரஜினி படத்தலைப்பு

நெற்றிக்கண் ஏற்கனவே ரஜினி நடித்து மாபெரும் வெற்றி பெற்ற படத்தின் தலைப்பாகும். நயன்தாரா இப்படத்தில் கண் பார்வையற்றவராக நடிக்கிறார் என பர்ஸ்ட் லுக் போஸ்டரைப் பார்க்கும் போதே தெரிகிறது. இதற்கு முன்னர் நானும் ரௌடிதான் படத்தில் காது கேளாத மாற்றுத்திறனாளியாக அவர் நடித்திருந்தார்.

திரில்லர் படம்

அதேபோல், கொலையுதிர் காலம் படத்தில் காது கேளாத, வாய் பேச முடியாத மாற்றுத்திறனாளியாக நயன் நடித்திருந்தார். இப்படத்தின் மூலம் முதன்முறையாக அவர் பார்வையற்ற பெண்ணாக நடிக்கிறார். இப்படமும் திரில்லர் படமாகத்தான் இருக்கும் என எதிர்பார்க்கப்படுகிறது.