ஹாலிடே மூடில் விக்னேஷ் சிவன்... நயன்தாராவை எப்படி மிஸ் செய்ராருன்னு பாருங்க

இயக்குநர் விக்னேஷ் சிவன்

இயக்குநர் விக்னேஷ் சிவன் -நயன்தாரா இருவரும் கடந்த 6 ஆண்டுகளாக காதலித்து வருகின்றனர். இருவரும் இணைந்து ரவுடி பிக்சர்ஸ் என்ற தயாரிப்பு நிறுவனத்தையும் நடத்தி வருகின்றனர். இதன்மூலம் சிறப்பான படங்களை தயாரித்தும் விநியோகித்தும் வருகின்றனர்.

சிறப்பான தயாரிப்பு பணிகள்

சமீபத்தில் இவர்கள் வெளியிட்டிருந்த ராக்கி படம் இவர்களுக்கு சிறப்பாக கைக்கொடுத்துள்ளது. விமர்சனரீதியாகவும் வசூல்ரீதியாகவும் இந்தப் படம் சிறப்பாக அமைந்தது. இதனிடையே இவர்கள் வெளியீட்டில் கூழாங்கல் படமும் சர்வதேச விருதுகளை அள்ளி வருகிறது. விரைவில் படம் ரிலீசாக உள்ளது.

காத்து வாக்குல ரெண்டு காதல் படம்

இந்நிலையில் விக்னேஷ் சிவன் இயக்கத்தில் நயன்தாரா, விஜய் சேதுபதி, சமந்தா லீட் கதாபாத்திரங்களில் நடித்துள்ள காத்து வாக்குல ரெண்டு காதல் படம் விரைவில் வெளியாக உள்ளதாக அறிவிக்கப்பட்டுள்ளது. ஏப்ரல் மாதத்தில் படம் வெளியாகலாம் என்று கூறப்பட்டுள்ளது.

வெளியீட்டு தேதியில் குழப்பம்

அந்த மாதத்தில் விஜய் படம் உள்பட பல படங்கள் வரிசை கட்டியுள்ளதால் இந்தப் படம் வெளியாவதிலும் தேதியை அறிவிப்பதிலும் குழப்பம் ஏற்பட்டுள்ளது. ஆனால் நீண்ட நாட்களாக படம் வெளியாவது தள்ளிப் போவதால் கண்டிப்பாக ஏப்ரலில் படம் ரிலீசாகும் என்று எதிர்பார்க்கப்படுகிறது.

விடுமுறைக் கொண்டாட்டம்

நடிப்பு, இயக்கம், தயாரிப்பு என்று பிசியாக இருந்தாலும் இருவரும் அவ்வப்போது வெளிநாடுகளுக்கு சென்று விடுமுறை கொண்டாட்டத்திலும் ஈடுபட்டு வருகின்றனர். சமீபத்தில் புத்தாண்டையொட்டி இருவரும் துபாய்க்கு சென்றிருந்தனர். புர்ஜ் கலிபா முன்பு இருவரும் எடுத்துக் கொண்ட புகைப்படங்களை விக்னேஷ் சிவன் தனது இன்ஸ்டாகிராம் பக்கத்தில் பகிர்ந்திருந்தார்.

விரைவில் திருமணம்?

அந்தப் புகைப்படங்கள் வைரலாகின. தொடர்ந்து இருவரும் கோயில்களுக்கு செல்வது, இவ்வாறு வெளிநாடுகளில் விடுமுறை கொண்டாட்டங்களில் ஈடுபடுவது என்று உள்ளனர். விரைவில் திருமணம் செய்யவுள்ளதாகவும் கூறப்படுகிறது.

நயன் புகைப்படம் பகிர்வு

இந்நிலையில் தற்போது நயன்தாராவின் புதிய படம் ஒன்றை தனது இன்ஸ்டாகிராம் பக்கத்தில் விக்னேஷ் சிவன் பகிர்ந்துள்ளார். உதட்டை சுழித்து நயன்தாரா அதில் மிகவும் அழகாக காணப்படுகிறார். மேலும் அதில் சீக்கிரம் வேலையை முடித்துவிட்டு நீண்ட நாள் விடுமுறை எடுக்க காத்திருப்பதாகவும் தனது பேவுடன் ட்ராவல் செய்வதை மிஸ் செய்வதாகவும் தெரிவித்துள்ளார்.