ஒரே இடத்தில் விஜய் சேதுபதி - விஜய்.. சென்னை தெருக்களில் நடந்த ஷூட்டிங்.. தளபதி 64 அப்டேட்!

யார் தயாரிப்பு

நடிகர் விஜய்யின் நெருங்கிய உறவினர்கள் நடத்தி வரும் சேவியர் பிரிட்டோ நிறுவனம்தான் தளபதி 64 படத்தை வெளியிட உள்ளது. இன்னும் பெயரிடபடாத இந்த படத்தின் பூஜை சமீபத்தில் சென்னையில் நடைபெற்றது. இதில் கதாநாயகியாக மாளவிகா மேனன், வில்லனாக விஜய் சேதுபதி நடிக்கின்றனர்.

எப்படி எல்லாம்

தற்போது சென்னையில் தளபதி 64 படம் ஷூட்டிங் விறுவிறுப்பாக நடைபெற்று வருகிறது. இதனை தொடர்ந்து இப்பொழுது நடைபெற்று வரும் ஷூட்டிங் சென்னையில் உள்ள குன்றத்தூரில் நடைபெற்று வருகிறது. தெருக்களில் சில சண்டை காட்சிகளை படமாக்கி உள்ளனர்.

யார் எல்லாம்

அதே போல் தளபதி விஜய்யும் மக்கள் செல்வன் விஜய் சேதுபதியும் நடிக்கும் காட்சிகள் தான் முதலில் படமாக்கப்பட்டு வருகிறது.. ஏனெனில் விஜய் சேதுபதி இனி நடிக்க இருக்கும் படங்களில் கெட்டப் மாற்ற உள்ளார். அதேபோல் அவரது ஷூட்டிங் தேதிகளை கருத்தில் கொண்டும் இந்த முடிவு எடுக்கப்பட்டுள்ளது.

எப்போது

சாந்தனு மற்றும் ஆண்டனி வர்கீஸ் நடிக்கும் காட்சிகள் லேட்டாக படமாக்கப்படும். இந்த படத்தை அடுத்து வரும் மே மாதம் வெளியிட படக்குழு முடிவு செய்துள்ளது. படத்தின் பெயர் பொங்கலுக்கு வெளியாக உள்ளது.