சென்னை: விஜய் இன்று தனது 41 வது பிறந்த நாளை லண்டனில் குடும்பத்துடன் கொண்டாடிக்கொண்டு இருக்கிறார். ஆனால் இங்கு அவரது ரசிகர்கள் தொடர்ந்து பல விதமான ஹெஷ்டேக்குகளை உருவாக்கி தொடர்ந்து இந்திய அளவில் டிவிட்டரில் விஜயை முதலிடத்தில் வைத்திருக்கின்றனர்.
இரு தினங்களுக்கு முன்னர் விஜய் படத்தின் பர்ஸ்ட் லுக் வெளியானது அதற்கு #PuliFirstLook என்னும் ஹெஷ்டேக்கை உருவாக்கி இந்திய அளவில் டிவிட்டரில் முதலிடத்தைப் பிடிக்க வைத்தனர் விஜய் ரசிகர்கள்.
நேற்று மதியம் புலி படத்தின் டீசர் வெளியானது இதற்கும் #PuliTeaser மற்றும் #PuliHasArrived என்னும் இரண்டு விதமான ஹெஷ்டேக்குகளை உருவாக்கி நேற்றும் தொடர்ந்து இந்திய அளவில் ட்விட்டர் ட்ரெண்டில் விஜயை இடம்பிடிக்க வைத்தனர்.
இன்று அவரது பிறந்த நாள். சும்மா இருப்பார்களா ரசிகர்கள்... காலையில் இருந்து #HBDDearVIJAY என்னும் ஹெஷ்டேக்கை உருவாக்கி தீயாய் வேலை செய்து வருகின்றனர்.இந்த ஹெஷ்டேக்கில் இதுவரை 1,75,000 லட்சம் ட்வீட்டுகள் பதிவு செய்யப்பட்டு உள்ளன.
விஜயின் விதவிதமான ஹெஷ்டேக்குகளால் நிரம்பி வழிகின்றன ட்விட்டர் பக்கங்கள்.
இந்திய அளவில் மட்டும் விஜய் ட்ரெண்டில் இருப்பது அவரது ரசிகர்களுக்கு கவலையை அளித்ததால், உலக அளவில் விஜயை ட்ரெண்டில் வைக்க வேண்டும் என்று முடிவு செய்து, தற்போது 25 லட்சம் ட்வீட்டுகளை பதிவு செய்ய முடிவு செய்து தொடர்ந்து ட்விட்டரில் வாழ்த்துக்களைப் பதிவிட்டு வருகின்றனர் விஜய் ரசிகர்கள்.
