இது என் ரசிகர்களுக்காக.. 1 நிமிடம் 20 நொடிகள் சிங்கிள் ஷாட்டில் நடனமாடிய விஜய்.. ஜானி மாஸ்டர் ஷாக்!

வாரிசு ஆடியோ லாஞ்ச்

டிசம்பர் 24ம் தேதி வாரிசு இசை வெளியீட்டு விழா நடைபெறும் என அறிவித்த நிலையில், எந்தவொரு தடங்கலும் இன்றி திட்டமிட்டப்படி வாரிசு இசை வெளியீட்டு விழா நேரு உள்விளையாட்டு அரங்கில் கோலாகலமாக நடைபெற்று வருகிறது. நடிகர் விஜய் தனது ரசிகர்களை சந்தித்த தருணங்கள் வீடியோவாக சோஷியல் மீடியாவில் வெளியாகி உள்ளது.

சன் டிவியில் ஒளிபரப்பு

வாரிசு படத்தின் இசை வெளியீட்டு விழா வரும் புத்தாண்டு தினத்தை முன்னிட்டு சன் டிவியில் ஒளிபரப்பாகும் என தகவல்கள் வெளியாகி உள்ளன. சன் டிவியின் லோகோவும் வாரிசு பட இசை வெளியீட்டு விழா முழுவதும் நிறைந்திருக்கிறது. ஆனால், சோஷியல் மீடியாவிலேயே தற்போது ரசிகர்கள் லைவ் ஒளிபரப்பு செய்து வருகின்றனர்.

பேனர்கள் கிழிப்பு

வாரிசு இசை வெளியீட்டு விழாவுக்கு டிக்கெட் வாங்காமல் ஏகப்பட்ட ரசிகர்கள் கூட்டம் திடீரென உள்ளே நுழைய அலைமோதிய நிலையில், போலீஸார் தடியடி நடத்தி விரட்டினர். நடிகர் விஜய்யின் பேனர்களை ரசிகர்கள் கோபத்தில் கிழித்த வீடியோக்கள் அதிர்ச்சியை ஏற்படுத்தின. ரசிகர்கள் தள்ளு முள்ளு காரணமாக சில போலீஸாருக்கும் காயம் ஏற்பட்டது.

ராஷ்மிகாவுடன் நடனம்

வாரிசு படத்தின் ரஞ்சிதமே பாடலுக்கு நடனம் அமைத்த ஜானி மாஸ்டர் நடிகை ராஷ்மிகாவுடன் ஸ்டேஜில் நடனமாடிய வீடியோக்களும் வெளியாகி டிரெண்டாகி வருகின்றன. அதன் பின்னர் பேசிய அவர் சொன்ன சூப்பரான விஷயம் விஜய் ரசிகர்களை உற்சாகத்தில் ஆழ்த்தி உள்ளது.

1 நிமிடம் 20 நொடிகள்

தனது ரசிகர்களுக்காக ஏதாவது ஒன்று வித்தியாசமாக பண்ண வேண்டும் என நினைத்த நடிகர் விஜய் பாடல் ஷூட்டிற்கு முன்பே தன்னை அழைத்து அந்த கடைசி 1 நிமிட 20 நொடிகள் ஃபாஸ்ட் பீட் போர்ஷனுக்கு சிங்கிள் ஷாட்டில் நான் ஸ்டாப் நடனமாடி விடுகிறேன் என கூறிவிட்டாராம். அதே போல அவர் ஆடியதை பார்த்து நான் ஷாக்காகிட்டேன் என ஜானி மாஸ்டர் பேசி உள்ளார்.