நடுவிரல் காட்டிய 'அர்ஜுன் ரெட்டி' ஹீரோ.. 'நோட்டா' ஷூட்டிங் ஆரம்பம்!

விஜய் தேவரகொண்டா

அரிமா நம்பி, இருமுகன் ஆகிய படங்களை இயக்கிய ஆனந்த் சங்கர் இயக்கும் மூன்றாவது படமான இந்தப் படத்தில் விஜய் தேவரகொண்டாவிற்கு ஜோடியாக 'நெஞ்சில் துணிவிருந்தால்' நாயகி மெஹ்ரீன் நடிக்கவுள்ளார். சாம் சிஎஸ் இந்தப் படத்திற்கு இசையமைக்கிறார்.

ஞானவேல்ராஜா தயாரிப்பு

ஸ்டூடியோ க்ரீன் ஞானவேல்ராஜா இந்தப் படத்தை பிரமாண்டமான பொருட்செலவில் தயாரிக்கவுள்ளார். பிரபல ஒளிப்பதிவாளர் ரவி கே.சந்திரனின் வாரிசு, சாந்தா ரவி கே.சந்திரன் ஒளிப்பதிவு செய்கிறார். எழுத்தாளர் ஷான் கருப்புசாமி கதை, திரைக்கதை, வசனம் எழுதுகிறார்.

ஃபர்ஸ்ட் லுக்

தமிழ், தெலுங்கு இரண்டிலும் தயாராகும் 'நோட்டா' படத்தின் பூஜை சமீபத்தில் ஐதராபாத்தில் நடந்தது. தலைப்பே இல்லாமல் ஆரம்பமான இப்படத்திற்கு, தற்போது 'நோட்டா' என பெயர் வைத்துள்ளனர். இன்று ஷூட்டிங் தொடங்கும் இப்படத்தின் ஃபர்ஸ்ட் லுக் போஸ்டரையும் வெளியிட்டுள்ளனர்.

நடுவிரல்

படத்திற்கு 'நோட்டா' என பெயர் வைத்திருப்பதால், இது நிச்சயம் அரசியல் சம்பந்தப்பட்ட கதையில் தான் உருவாகிறது என்பதை புரிந்து கொள்ள முடிகிறது. அதேசமயம் படத்தின் போஸ்டரில் விஜய் தேவரகொண்டா, நடுவிரலை காட்டியிருப்பது சற்று சர்ச்சையையும் கிளப்பி உள்ளது.

பாஜக விமர்சனம்

சமீபத்தில் நடந்து முடிந்த ஆர்.கே.நகர் இடைத்தேர்தலில் பாஜக நோட்டாவை விட குறைவான ஓட்டுக்களை வாங்கியிருந்ததை கேலி செய்யாத அரசியல் கட்சிகளே இல்லை என்று கூறலாம். இந்த நிலையில் படத்திற்கு 'நோட்டா' என டைட்டில் வைத்து பாஜகவினரை சீண்டியுள்ளனர்.