விஜய்தேவரகொண்டாவுடன் மாலத்தீவில் ராஷ்மிகா..வெளிச்சத்திற்கு வந்த காதல் விவகாரம்!

அட்டகாசமான முத்தகாட்சி

டியர் காம்ரேட் படத்தில் இருவரும் ஜோடி போட்டு நடிக்கும் போதே இருவரும் காதலிப்பதாக கிசுகிசுக்கப்பட்டது. இந்த கிசுகிசு உண்மை என்பது போல டியர் காம்ரேட் படத்தில் ஒரு லிப் லாங் காட்சியும் அட்டகாசமாக இடம் பெற்று இருந்தது. ஆனால், நாங்கள் இருவரும் நண்பர்கள் தான், காதலர்கள் இல்லை என கூறி வருகின்றனர்.

காதல் இல்லை

என்னத்தான் லவ் இல்லை என இவர்கள் கூறினாலும், அடிக்கடி இவர்கள் ஜோடியாக ஊர் சுற்றும் புகைப்படங்களும் வீடியோக்களும் தொடர்ந்து வெளியே வந்து கொண்டுதான் இருக்கிறது. அந்த வகையில், இந்த ஜோடி தற்போது மாலத்தீவில் விடுமுறையை கொண்டாட சென்றுள்ளனர். இதற்காக இருவரும் தனித்தனியே விமான நிலையத்திற்கு வந்தனர். ஆனால், இருவரும் ஜோடியாக ஒரே விமானத்தில் மாலத்தீவுக்கு சென்றுள்னனர்.

காதலருடன் மாலத்தீவில்

என்னத்தான் தனித்தனியாக வந்தாலும், ஜோடியாக மாலத்தீவு செல்லும் விமானத்தில் ஏறியதால் இவர்களைப் பற்றிய காதல் விவகாரம் மீண்டும் பேசுபொருளாகி உள்ளது. நடிகை ராஷ்மிகா அபிதாப் பச்சனுடன் குட் பை என்ற படத்தில் நடித்துள்ளார். இந்த படம் நேற்று திரையரங்கில் வெளியாகி உள்ளது. மேலும், விஜய்யுடன் வாரிசு படத்தில் பிஸியாக நடித்து வந்த ராஷ்மிகா ஓய்வெடுப்பதற்காக மாலத்தீவுக்கு சென்றுள்ளார்.

குஷி படத்தில்

நடிகர் விஜய் தேவரகொண்டாவும், குஷி என்கிற தெலுங்கு படத்தில் நடித்து வருகிறார். சிவா நிர்வாணா இயக்கும் இப்படத்தில் விஜய் தேவரகொண்டாவுக்கு ஜோடியாக சமந்தா நடித்து வருகிறார். இப்படத்தின் ஷூட்டிங் கடந்த சில மாதங்களாக இடைவிடாமல் நடைபெற்று வந்த நிலையில், அதிலிருந்து சற்று ஓய்வெடுப்பதற்காக விஜய் தேவரகொண்டாவும் மாலத்தீவுக்கு சென்றுள்ளார்.