ஆசையை நேரடியாக சொன்ன விஜய் தேவரகொண்டா..நிறைவேற்றுவாரா லோகேஷ் கனகராஜ் !

விஜய் தேவரகொண்டா

டோலிவுட்டில் மிக பிரபலமான நடிகராக இருப்பவர் விஜய் தேவரகொண்டா . தெலுங்கில் 2011 ஆம் ஆண்டு வெளியான நுவ்விலா என்ற படத்தின் மூலம் வெளியான சினிமாவில் அறிமுகமானார். ஆனால், இவருக்கு மிகப்பெரிய அடையாளத்தை கொடுத்த திரைப்படம் "அர்ஜுன் ரெட்டி " திரைப்படம் தான். அர்ஜுன் ரெட்டி படத்தின் மூலம் நடிகர் விஜய் தேவரகொண்டா தென்னிந்தியா முழுவதும் பிரபலமானார்.

கனவு கண்ணன்

அடுத்ததாக ராஷ்மிகாவுடன் இணைந்து கீதா கோவிந்தம் திரைப்படத்தில் நடித்து பெண்களின் கனவு கண்ணனாக மாறிவிட்டார். தற்போது விஜய் தேவர்கொண்டா லைகர் திரைப்படத்தில் நடித்துள்ளார். தர்மா புரொடக்சன்ஸ் மற்றும் பூரி கனெக்ட்ஸ் நிறுவனங்கள் இணைந்து இந்த படத்தை தயாரித்துள்ளனர்.. லைகர் படத்தில் சர்வதேச புகழ்பெற்ற குத்துச் சண்டை வீரரான மைக் டைசனும் இந்த படத்தில் இடம் பெற்றிருக்கிறார். ரம்யா கிருஷ்ணன் விஜய் தேவரகொண்டாவின் அம்மாவாக நடித்திருக்கிறார். சமீபத்தில் இப்படத்திலிருந்து வெளியான டீசர் ரசிகர்கள் மத்தியில் படத்தின்மீதான எதிர்பார்ப்பை அதிகரித்துள்ளது.

லைகர்

இத்திரைப்படம் வரும் 25ந் தேதி வெளியாக உள்ள நிலையில் விஜய் தேவரகொண்டா நடித்துள்ள லைகர் திரைப்படத்தின் செய்தியாளர்கள் சந்திப்பு சென்னையில் நடைபெற்றது. அதில் நடிகர் விஜய் தேவரகொண்டா, நடிகை அனன்யா பாண்டே, விநியோகஸ்தர் ஆர்.கே. சுரேஷ் ஆகியோர் கலந்து கொண்டனர். அப்போது, நோட்டா திரைப்படத்திற்கு பிறகு நேரடி தமிழ் திரைப்படங்கள் நடிக்காததற்கான காரணம் குறித்து கேள்வி எழுப்பப்பட்டது.

Recommended Video

Vinodhini | அவன் ஒரு ஆள் கிடையாது , வன்மம் உள்ள பெரிய டீம் அவங்க எல்லாரும் | *INTERVIEW

காத்திருக்கிறேன்

அதற்கு பதில் அளித்த விஜய் தேவரகொண்டா, தமிழில் லோகேஷ் கனகராஜ், வெற்றிமாறன், பா.ரஞ்சித் ஆகியோருடன் இணைந்து பணியாற்ற விருப்பம். அவர்களிடம் நான் பேசி உள்ளேன் என தெரிவித்தார். மேலும் அவர்களிடம் அழைப்பு வந்தால் நிச்சயம் நடிக்க தயாராக இருக்கிறேன். அதிலும் லோகேஷ் கனகராஜ் யூனிவர்சில் இணைய காத்திருக்கிறேன். அது நடக்கும் என்று எதிர்பார்ப்பதாகவும் அந்த நாளுக்காக காத்திருப்பதாகவும் விஜய் தேவரகொண்டா கூறினார்.