தியேட்டருக்குள் அஜித் ரசிகர்களை நொறுக்கிய விஜய் ரசிகர்கள்.. பதை பதைக்க வைக்கும் வீடியோ!

திணறும் வலைதளம்

ஒரு நடிகரின் ரசிகர்கள் ஏதாவது ஒரு ஹேஷ்டேக்கை ட்ரென்ட் செய்தால் மற்ற நடிகரின் ரசிகர்களும் போட்டிக்கு ஒரு ஹேஷ்டேக்கை ட்ரென்ட் செய்கின்றனர். இதனால் டிவிட்டர் சமூக வலைதளம் திணறுகிறது.

தாக்குதல்

இவர்களின் மோதல் நாளுக்கு நாள் எல்லை மீறி செல்கிறது. இதனால் அண்மையில் ஒரு உயிர் அநியாயமாக பறிபோனது.
இந்நிலையில் காரைக்குடியில் உள்ள ஒரு தியேட்டரில் பிகில் படம் பார்க்க சென்ற அஜித் ரசிகர்கள், விஜய் குறித்தும் படம் குறித்தும் விமர்சித்ததாக தெரிகிறது. இதனால் ஆத்திரமடைந்த விஜய் ரசிகர்கள் அஜித் ரசிகர்களை அடித்து நொறுக்கிவிட்டனர்.

பாண்டியன் சினிமாஸ்

விஜய் ரசிகர்கள் அஜித் ரசிகர்களை கூட்டமாக சேர்ந்து தாக்கும் இந்த பதை பதைக்க வைக்கும் காட்சி சமூக வலைதளங்களில் வைரலாகி வருகிறது. இந்த சம்பவம் காரைக்குடியில் உள்ள பாண்டியன் சினிமாஸ் திரையரங்கில் அரங்கேறியதாக தெரிவிக்கப்பட்டுள்ளது.

கடைகள் சூறை

கடந்த வெள்ளிக்கிழமை காலையில் கிருஷ்ணகிரி ரவுண்டானா அருகே உள்ள திரையரங்கில் பிகில் படத்தை ரிலீஸ் செய்ய தாமதமானதால் விஜய் ரசிகர்கள் சிலர், அங்கிருந்த கடைகளை அடித்து நொறுக்கி சூறையாடினர்.

தியேட்டருக்குள் அடிதடி

அங்கிருந்த வாகனங்களை சேதப்படுத்தி பெரும் வன்முறையில் ஈடுபட்டனர். இந்நிலையில் தற்போது தியேட்டருக்குள்ளும் அடிதடி என இறங்கியிருக்கின்றனர் என்பது குறிப்பிடத்தக்கது.